Farg‘ona viloyati Yozyovon tumanida 19-aprel kuni beton to‘siqqa urilgan Cobalt yonib ketdi. Bu haqda viloyat Ichki ishlar boshqarmasi axborot xizmati xabar berdi.
Xabarga ko‘ra, 19-aprel kuni soat 06:40 larda A-373 Toshkent-O‘sh avtomobil yo‘lining 352 kilometrida, haydovchi G‘.S o‘ziga tegishli Cobalt rusumli avtomobilni boshqarib borayotib, kuchli charchoq tufayli boshqaruvni yo‘qotib, yo‘lning o‘rtasiga o‘rnatilgan beton to‘siqqa urilgan. Natijada yong‘in kelib chiqib, avtomobil to‘liq yonib ketgan.
Hodisa oqibatida tan jarohati olganlar yo‘q. Mazkur holat yuzasidan hozirda tergovga qadar tekshiruv harakatlari olib borilmoqda.
Izoh (0)