19-aprel – Butunjahon jigar salomatligi kuni

19-aprel butun dunyoda “Jigar salomatligi kuni” sifatida nishonlanadi, ushbu sananing asosiy vazifasi inson tanasining eng muhim a’zolaridan biri g‘amxo‘rlik qilish muhimligiga odamlar e’tiborini jalb qilishdir.

Jigar hayot uchun muhim bo‘lgan 500 dan ortiq funksiyalarni bajaradi: u barcha turdagi metabolizmlarda ishtirok etadi, qonni filtrlaydi va ovqat hazm bo‘lishiga yordam beradigan moddalarni sintez qiladi. Ko‘plab vazifalarni bajarish qobiliyatidan tashqari, u tanamizdagi eng katta organ hisoblanadi, vazni 1,5 kg atrofida. Jigardan har daqiqada taxminan 1,4 litr qon o‘tadi. Shu bilan birga, jigarda yuzaga kelgan muammolar oxirgi daqiqagacha sezilmasligi, uning yordamga muhtojligini uzoq vaqt davomida bilinmasligi mumkin.

Gepatit - jigarning yallig‘lanish kasalligi bo‘lib, insonlar orasida juda keng tarqalgan, u jigar va butun organizmga jiddiy zarar yetkazishi mumkin. Ushbu kasallikning asosan besh turi mavjud - A, B, C, D va E. Gepatit va uning asoratlari haqida ogohlantirish Butunjahon jigar salomatligi kunining asosiy vazifalaridan biri hisoblanadi, chunki ushbu kasallik asosan jigarga salbiy ta’sir ko‘rsatadi. 

Jigar ovqat hazm qilish tizimida muhim rol o‘ynaydi, chunki u maxsus filtr vazifasini bajaradi. Ushbu organ organizmni zararli moddalar va toksinlardan xalos qiladi.

Jigar kasalliklari zarar jiddiy bo‘lmaguncha aniq alomatlar ko‘rsatmaydi. Agar kasallik rivojlanib ketsa, ishtaha yo‘qotish va vazn yo‘qotish kabi ba’zi umumiy simptomlarni kuzatish mumkin. Shuning uchun jigar kasalliklarining oldini olish uchun ehtiyot choralarini ko‘rish va vaqti-vaqti bilan shifokor tekshiruvidan o‘tib turish lozim. Quyida jigarni sog‘lom saqlash uchun ba’zi maslahatlar keltirilgan:

• ovqatlanishda me’yorga e’tibor qarating. Dietaga e’tibor qarating. Donli mahsulotlar, barra meva va sabzavotlar, non va guruch mahsulotlarini iste’mol qiling;
• yetarli  miqdorda suv iching, chunki organizmni suv bilan ta’minlash jigara ijobiy ta’sir qiladi;
• sog‘lom vaznni saqlash juda muhim, chunki vazn ortishi jigar noalkogol gepatoz kasalligiga olib kelishi mumkin;
• spirtli ichimliklar va tamaki mahsulotlarini iste’mol qilish jigarga jiddiy zarar yetkazishi mumkin. Shuning uchun zararli odatlardan voz kechish tavsiya etiladi;
• og‘riq qoldiruvchi, tinchlantiruvchi va shu kabi dori-darmonlarni shifokor retseptisiz qabul qilmaslikka harakat qiling.