“Toshkent shahar suv ta’minoti” MCHJ poytaxtning to‘rt tumanida ichimlik suvi ikki kunga o‘chirilishini ma’lum qildi.
Toshkentning Yakkasaroy va Sergeli tumanlaridan kesib o‘tuvchi Bobur ko‘chasidagi ko‘prikning taʼmirlanishida ichimlik suv tarmog‘ini ko‘chirib o‘tkazish jarayoni sabab ayrim manzillar 10–12-aprel kunlari suvsiz qolishi to‘g‘risida xabar berilgandi. “Toshkent shahar suv ta’minoti”ning ma’lum qilishicha, texnik sabablarga ko‘ra mazkur rejalashtirilgan ishlar 17–19-aprel kunlariga qoldirilgan.
Qayd etilishicha, quyidagi tumanlarda 17-apreldan ichimlik suvi o‘chiriladi:
Sergeli tumani
- “Jun”, “No‘g‘oyqo‘rg‘on”, “Qubaytepa”, “Yuqori Darxon”, “Qut-baraka”, “Sug‘diyona”, “Qumariq”, “Oltin vodiy”, “Uchuvchilar”, “Bunyodobod” mahallalarida.
Yangihayot tumani
- “Viqor”, “Al-Farg‘oniy”, “Chorbog‘”, “Yo‘ldosh”, “Yangi Choshtepa”, “Choshtepa”, “Chortoq”, “Iqbol”, “Fayzli”, “Toshkent” mahallalarida.
Yakkasaroy tumani
- “Boshliq”, “Qushbegi” mahallalarida. Boshliq 4-tor, Bobur, Nukus, Abdulla Qahhor ko‘chalarida.
Mirobod tumani
- “Temiryo‘lchilar”, “Zaminobod”, “Birodarlik” mahallalarida.
Ichimlik suvi to‘xtatilgan hududlarga maxsus texnikalarda suv yetkazib beriladi.
Shuningdek, Veolia Energy Tashkent’ning ma’lum qilishicha, taʼmirlash va u bilan bog‘liq sovuq suv taʼminotidagi o‘chirish ishlari tufayli “Toshkent issiqlik elektr markazi” ham uskunalarining ishlashini 2 kunga to‘xtatyapti. Issiq suv taʼminoti to‘xtatiladigan manzillar ro‘yxati bilan quyidagi havola orqali tanishish mumkin.
Izoh (0)