O‘zbekiston U-20 terma jamoasi futbolchisi Shahriyor Jabborov antidoping qoidalarini buzganligi uchun vaqtincha futbolga oid faoliyatdan chetlatildi.
Osiyo futbol konfederatsiyasi (OFK) tartib-intizom qo‘mitasining bayonotiga ko‘ra, O‘zbekistonda o‘tgan 20 yoshgacha bo‘lgan futbolchilar o‘rtasidagi Osiyo Kubogi vaqtida Jabborovdan olingan doping sinamasida taqiqlangan modda aniqlangan.
Qo‘mita surishtiruvining yakuniga qadar futbolchi mahalliy va xalqaro o‘yinlardan vaqtincha chetlatiladi.
“Paxtakor” vakili O‘zbekiston U-20 terma jamoasi bilan birga Osiyo chempionligini qo‘lga kiritgandi. Shahriyor U-20 Osiyo Kubogida O‘zbekiston yoshlarining Indoneziya, Avstraliya va Janubiy Koreyaga qarshi bahslarida zaxiradan maydonga tushgandi.
Izoh (0)