Futbol bo‘yicha Ispaniya chempionatining 29-turida “Barselona” 16-aprel, yakshanba kuni “Xetafe” maydoniga safar qildi.
Uchrashuvda katalonlar ustunlikka erishgan bo‘lsa-da, raqib darvozasiga yo‘l topa olmadi va o‘yin nursiz durang bilan yakun topdi.
Shu tariqa Xavi jamoasi ketma-ket ikkinchi o‘yinda nursiz durang qayd etdi. “Real” bilan Ispaniya Kubogidagi o‘yinni (0:4) ham hisoblaganda “Barselona” ketma-ket uchta o‘yindan beri g‘alaba qozona olmayapti va gol urolgani yo‘q.
“Ko‘k-anorranglilar” 73 ochko bilan birinchi o‘rinda bormoqda. Ta’qibchi “Real” bilan o‘rtadagi farq 11 ochkoni tashkil qilmoqda. “Xetafe” 31 ochko bilan 15-o‘rinda qayd etilgan.
“Barselona”ning keyingi o‘yini “Atletiko”ga qarshi bo‘ladi. “Kamp Nou” mezbonligidagi uchrashuv 23-aprel sanasiga mo‘ljallangan.
La Liga
29-tur bahslari
16-aprel, yakshanba
“Xetafe” – “Barselona” 0:0
“Xetafe”: Soriya, Suares (Alvares, 83), Jene, Duarte, Alderete, Iglesias (Portu, 67), Maksimovich (Algobiya, 76), Milya, Unal (Vilyar, 83), Munir (Alenya, 76), Mayoral.
“Barselona”: ter Shtegen, Serxi Roberto (Erik Garsiya, 18), Kunde, Arauxo, Alba (Ferran Torres, 68), Buskets, Kessie (Fati, 68), Gavi, Balde, Rafinya (Torre, 87), Levandovski.
Ogohlantirishlar: Gavi (2), Alderete (42), Suares (57).
“Jirona” – “Elche” 2:0
Gollar: 1:0 – 45 Kastelyanos, 2:0 – 70 Romeu.
Izoh (0)