Ўзбекистон U-20 терма жамоаси футболчиси Шаҳриёр Жабборов антидопинг қоидаларини бузганлиги учун вақтинча футболга оид фаолиятдан четлатилди.
Осиё футбол конфедерацияси (ОФК) тартиб-интизом қўмитасининг баёнотига кўра, Ўзбекистонда ўтган 20 ёшгача бўлган футболчилар ўртасидаги Осиё Кубоги вақтида Жабборовдан олинган допинг синамасида тақиқланган модда аниқланган.
Қўмита суриштирувининг якунига қадар футболчи маҳаллий ва халқаро ўйинлардан вақтинча четлатилади.
“Пахтакор” вакили Ўзбекистон U-20 терма жамоаси билан бирга Осиё чемпионлигини қўлга киритганди. Шаҳриёр U-20 Осиё Кубогида Ўзбекистон ёшларининг Индонезия, Австралия ва Жанубий Кореяга қарши баҳсларида захирадан майдонга тушганди.
Изоҳ (0)