Futbol bo‘yicha Angliya Premyer Ligasining 31-turida “Arsenal” 16-aprel, yakshanba kuni “Vest Hem”ga qarshi bahs olib bordi.
Uchrashuvning 7-daqiqasida Gabriel Jezus mehmonlarni oldinga olib chiqqan bo‘lsa, oradan ko‘p o‘tmay Martin Edegor oradagi farqni oshirdi. Bunga maydon egalari birinchi bo‘limda Said Benrahmaning penaltidan urgan goli bilan javob qaytardi.
52-daqiqada “Arsenal” yana farqni ikkita to‘pga yetkazishi mumkin edi, biroq Bukayo Saka 11 metrlik jarima zarbasini golga aylantira olmadi. 54-daqiqada Jerrod Bouen muvozanatni tikladi.
“Arsenal” 74 ochko bilan peshqadamlikni saqlab turibdi. Londonliklar bitta zaxiraga o‘yiniga ega “Manchester Siti”ni 4 ochkoga ortda qoldirmoqda. “Vest Hem” 31 ochko bilan 15-pog‘onani band etgan.
APL
31-tur bahsi
16-aprel, yakshanba
“Vest Hem” – “Arsenal” 2:2
Gollar: 0:1 – 7 Gabriel Jezus, 0:2 – 10 Edegor, 1:2 – 33, penalti Benrahma, 2:2 – 54 Bouen.
“Vest Hem”: Fabianski, Soufal, Zuma, Kerer, Kressuell, Souchek, Rays, Lukas Paketa (Dauns, 87), Benrahma (Fornals, 90), Bouen, Antonio (Korne, 87).
“Arsenal”: Remsdeyl, Uayt, Holding, Gabriel, Tirni (Fabiu Viyeyra, 85), Jaka, Parti (Trossard, 67), Edegor, Saka, Martinelli (Nelson, 85), Gabriel Jezus (Jorjinyo, 67).
Ogohlantirishlar: Parti (35), Gabriel Jezus (45).
Izoh (0)