АПЛ. “Арсенал” Лондон дербисида иккита тўп фарқи билан олдинда бориб, ғалабани қўлдан чиқарди

Футбол бўйича Англия Премьер Лигасининг 31-турида “Арсенал” 16 апрель, якшанба куни “Вест Ҳэм”га қарши баҳс олиб борди.

Учрашувнинг 7-дақиқасида Габриэль Жезус меҳмонларни олдинга олиб чиққан бўлса, орадан кўп ўтмай Мартин Эдегор орадаги фарқни оширди. Бунга майдон эгалари биринчи бўлимда Саид Бенраҳманинг пенальтидан урган голи билан жавоб қайтарди.

52-дақиқада “Арсенал” яна фарқни иккита тўпга етказиши мумкин эди, бироқ Букайо Сака 11 метрлик жарима зарбасини голга айлантира олмади. 54-дақиқада Жеррод Боуэн мувозанатни тиклади.

“Арсенал” 74 очко билан пешқадамликни сақлаб турибди. Лондонликлар битта захирага ўйинига эга “Манчестер Сити”ни 4 очкога ортда қолдирмоқда. “Вест Ҳэм” 31 очко билан 15-поғонани банд этган.

АПЛ

31-тур баҳси

16 апрель, якшанба

“Вест Ҳэм” – “Арсенал” 2:2

Голлар: 0:1 – 7 Габриэль Жезус, 0:2 – 10 Эдегор, 1:2 – 33, пенальти Бенраҳма, 2:2 – 54 Боуэн.

“Вест Ҳэм”: Фабиански, Цоуфал, Zuma, Керер, Крессуэлл, Соучек, Райс, Лукас Пакета (Даунс, 87), Бенраҳма (Форналс, 90), Боуэн, Антонио (Корне, 87).

“Арсенал”: Рэмсдейл, Уайт, Ҳолдинг, Габриэль, Тирни (Фабиу Виейра, 85), Жака, Парти (Троссард, 67), Эдегор, Сака, Мартинелли (Нелсон, 85), Габриэль Жезус (Жоржиньо, 67).

Огоҳлантиришлар: Парти (35), Габриэль Жезус (45).