Liga 1. “PSJ” Mbappe va Messi gol urgan o‘yinda ta’qibchisini mag‘lub etdi

Futbol bo‘yicha Fransiya chempionatining 31-turida “PSJ” 15-aprel, shanba kuni “Lans”ni qabul qildi.

Uchrashuvning 19-daqiqasidayoq mehmonlar Salis Abdulsamadning chetlatilishidan keyin bir o‘yinchi kam bo‘lib qoldi. 31-daqiqada Kilian Mbappe parijliklarni hisobda oldinga olib chiqdi.

37-daqiqada Vitinya, oradan uch daqiqa o‘tib Lionel Messi gol urgan holda hisobni yirik ko‘rinishga olib keldi. Ikkinchi bo‘limda “Lans” bitta gol bilan javob qaytardi.

“PSJ” ochkolarini 72 taga yetkazib oldi va yakka peshqadam bo‘lib turibdi. “Lans” 63 ochko bilan 2-pog‘onani band etgan.

Parij klubi keyingi turda “Anjer” maydoniga safar qilsa, “Lans” o‘z uyida “Monako”ni qabul qiladi.

Liga 1

31-tur bahslari

15-aprel, shanba

“PSJ” – “Lans” 3:1

Gollar: 1:0 – 31 Mbappe, 2:0 – 37 Vitinya, 3:0 – 40 Messi, 3:1 – 60, penalti Frankovski.

“PSJ”: Donnarumma, Hakimi, Ramos, Markinyos (Zair-Emeri, 88), Danilu Pereyra, Mendesh (Bernat, 77), Fabian Ruis, Soler, Vitinya, Messi, Mbappe.

“Lans”: Samba, Gradi (David Koshta, 84), Danzo, Medina, Machado (Aydara, 73), Frankovski, Tomasson (Sotoka, 46), Fofana, Fyuljeni (Onana, 46), Abdulsamad, Openda.

Chetlatish: Abdulsamad (19).

“Renn” – “Reyms” 3:0

Gollar: 1:0 – 9 Doku, 2:0 – 19 Doku, 3:0 – 68 Teate.