Toshkent shahrida 14-aprel kuni “Yoshlar o‘rtasida mini futbol va futbol sport turlari bo‘yicha bo‘yicha Davlat xavfsizligi xizmati kubogi”ning Toshkent shahar bosqichiga bag‘ishlangan brifing bo‘lib o‘tdi.
Unda DXX Toshkent shahri bo‘yicha boshqarmasi, Toshkent shahar hokimligi, Toshkent shahar yoshlar siyosati va sport bosh boshqarmasi, hokimlik tizimidagi qator boshqarma mutasaddilari, tuman hokimlarining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosarlari, PFL va OAV vakillari ishtirok etdi.
Qayd etilishicha, musobaqaning Toshkent shahar bosqichi ikkita bosqichdan iborat bo‘ladi. Birinchi bosqich aprel va may oylarida Toshkent shahri tumanlari mahallalari o‘rtasida o‘tkaziladi.
Ikkinchi bosqich shahar miqyosida o‘tkaziladi va tuman bosqichida g‘oliblikni qo‘lga kiritgan jamoalar o‘rtasida iyun—iyul oylarida tashkillashtiriladi.
Ma’lumotlarga ko‘ra, mahallalarda 16 yoshdan 30 yoshgacha bo‘lgan yoshlardan iborat mini futbol bo‘yicha 585 ta, futbol bo‘yicha 585 ta va qizlardan tashkil topgan mini futbol bo‘yicha 48 ta jamoa shakllantirilgan hamda ushbu musobaqalarda ishtirok etishi rejalashtirilgan.
Izoh (0)