Футбол бўйича Ўзбекистон Суперлигасининг 6-турида “Пахтакор” 15 апрель, шанба куни “Сўғдиёна”га қарши баҳс олиб борди.
Учрашувнинг 6-дақиқасидаёқ “шерлар” бир киши кам бўлиб қолди. Достон Турсунов қизил карточка олиб, майдонни тарк этди. 33-дақиқада “Пахтакор” ҳисобни очди. Тошкентликлар футболчиси Аббосбек Файзуллаев ўз номига гол ёздириб қўйди. Биринчи бўлим сўнгида Драган Черан пенальтидан унумли фойдаланиб, ҳисобни ишончли кўринишга олиб келди. Ўйин якунида Зенан Займович ҳисобни қисқартирди. Бироқ бу гол жиззахликларга етарли бўлмади.
Максим Шацких жамоаси ушбу ғалабадан сўнг очколари сонини 12 тага етказиб, 5-поғонага кўтарилди. Жиззахликлар эса 2 очко билан мусобақа жадвалининг сўнгги ўрнидан жой олган.
Суперлига
6-тур баҳси
15 апрель, шанба
“Пахтакор” – “Сўғдиёна” 2:1
Голлар: 1:0 — 33 Аббосбек Файзуллаев, 2:0 — 43 Драган Черан (пенальти), 2:1 — 90+5 Зенан Займович.
“Пахтакор”: 35. Санжар Қувватов, 3. Ҳожиакбар Алижонов, 4. Достон Турсунов, 5. Муҳаммадқодир Ҳамралиев, 7. Одилжон Ҳамробеков, 8. Азизбек Турғунбоев, 10. Драган Черан, 14. Аббос Файзуллаев, 17. Достон Ҳамдамов (9. Сардор Рашидов, 71) 27. Сардор Собирхўжаев, 88. Шаҳзод Азмиддинов.
“Сўғдиёна”: 27. Милан Митрович, 4. Элёр Орифов (15. Ториқ Исич, 67), 5. Аюбхон Нўмонов (18. Миржалол Абдумуталов,46), 6. Алишер Салимов (9. Зенан Займович, 45), 10. Жавоҳир Қаҳрамонов, 11. Жасур Ҳасанов (17. Муҳаммад Юлдашев, 78), 12. Хислат Халилов, 14. Бобурбек Йўлдошев, 22. Санжар Шоаҳмедов, 28. Станислав Андреев, 93. Марко Колакович.
Огоҳлантиришлар: Алишер Салимов (30), Марко Колакович (41), Азизбек Турғунбоев (45+4), Аббос Файзуллаев (70), Драган Черан (77).
Четлатиш: Достон Турсунов (6).
Изоҳ (0)