Бош прокуратура ҳузуридаги департамент томонидан Ўзбекистоннинг қатор ҳудудларида электр тармоқларига ноқонуний уланиш ҳолатлари фош этилди.
Хусусан, департаментнинг Тўрақўрғон, Давлатобод, Касби ва Чироқчи туман бўлимлари томонидан ЭТК ходимлари билан ҳамкорликда терговга қадар текширувлар ўтказилган. Текширувлар давомида С.Н ва У.Я. исмли фуқаролар ўзларига тегишли савдо ва маиший хизмат кўрсатиш шохобчаларини ҳамда “К.c.” МЧЖ раҳбари Ж.Ш. ва фуқаро О.Х. экин ер майдонларини суғоришда электр насосларини ўзбошимчалик билан умумий фойдаланишдаги электр тармоқларига уланиб, жами 336,6 миллион сўмлик электр энергиясидан ноқонуний фойдалангани аниқланган.
Мазкур ҳолатлар юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят ишлари қўзғатилиб, тергов ҳаракатлари ўтказилмоқда.
Жиззах, Андижон ва Фарғона вилоятларида электрдан ноқонуний фойдаланганлар 913,5 миллион сўм зарар етказгани тўғрисида хабар берилганди. Шунингдек, Ўзбекистоннинг уч вилоятида газ ва светдан ноқонуний фойдаланганлар қарийб 352 млн сўм зарар етказганди.
Изоҳ (0)