Jinoyat ishlari bo‘yicha Yakkasaroy tuman sudida o‘zganing iPhone telefonini tortib olgan 30 yoshli shaxsga nisbatan sud ishi ko‘rib chiqildi. Bu haqda “Zamon” informatsion dasturida ma’lum qilindi.
Qayd etilishicha, sudlanuvchi 17-fevral kuni Yakkasaroy tumanida joylashgan spa-saloniga massaj olish uchun borgan. U yerdan 6-7 nafar qiz orasidan jabrlanuvchini tanlab, 3-4 million so‘m to‘lov qilgan, ishqiy munosabatlar yakunda kelishmovchilikka aylangan.
Ikki nafar farzandi borligini ma’lum qilgan jabrlanuvchi ayolning aytishicha, sudlanuvchi mast holatda bo‘lgan va massajdan keyin uning iPhone 11 Pro telefonini olib ketgan. Erkak telefon orqasida bo‘lgan pullarni ishlatib, telefonning o‘zini qaytarib olib kelib bergan.
Sayyor sud majlisida sudlanuvchi aybiga to‘liq iqrorligini bildirib, jabrlanuvchiga yetkazilgan moddiy zararni qoplab berganini aytgan.
Sud hukmi bilan sudlanuvchi Jinoyat kodeksining 166-moddasi (talonchilik) 1-qismi bilan aybli deb topildi. Va u shu moddaga ko‘ra, ish haqining 20 foizini davlat daromadiga o‘tkazgan holda 2 yil axloq jazosiga jalb etildi.
Izoh (0)