“Tashabbusli budjet” g‘olib loyihalari eʼlon qilindi

“Tashabbusli budjet” jarayonlarining birinchi mavsumi g‘olib loyihalari 7-aprel kuni “Ochiq budjet” axborot portalida e’lon qilindi.

Ovoz berish yakunlariga ko‘ra, O‘zbekiston bo‘ylab tasdiqlangan 33 680 ta loyihadan 1 666 tasi g‘olib deb topildi. Ushbu loyihalarda keltirilgan tashabuslarni amalga oshirish uchun 1 trillion 571 milliard 963 million so‘m mablag‘ yo‘naltiriladi.

Dastlab ushbu mavsum doirasida fuqarolar tomonidan ilgari suriladigan loyihalarni moliyalashtirishga qariyb 1,7 trillion so‘m yo‘naltirilishi kutilayotgandi.

Iqtisodiyot va moliya vazirligi mazkur jarayonda ishtirok etgan barcha fuqarolarga minnatdorchilik bildirib, “Tashabbusli budjet loyihasining keyingi mavsum jarayonlarida faol bo‘lishga chaqirdi.