“Ташаббусли бюджет” ғолиб лойиҳалари эълон қилинди

“Ташаббусли бюджет” жараёнларининг биринчи мавсуми ғолиб лойиҳалари 7 апрель куни “Очиқ бюджет” ахборот порталида эълон қилинди.

Овоз бериш якунларига кўра, Ўзбекистон бўйлаб тасдиқланган 33 680 та лойиҳадан 1 666 таси ғолиб деб топилди. Ушбу лойиҳаларда келтирилган ташабусларни амалга ошириш учун 1 триллион 571 миллиард 963 миллион сўм маблағ йўналтирилади.

Дастлаб ушбу мавсум доирасида фуқаролар томонидан илгари суриладиган лойиҳаларни молиялаштиришга қарийб 1,7 триллион сўм йўналтирилиши кутилаётганди.

Иқтисодиёт ва молия вазирлиги мазкур жараёнда иштирок этган барча фуқароларга миннатдорчилик билдириб, “Ташаббусли бюджет лойиҳасининг кейинги мавсум жараёнларида фаол бўлишга чақирди.