Ayollar futboli bo‘yicha Parij-2024 Olimpiya o‘yinlarining Osiyo mintaqasi saralash bosqichi 1-turida O‘zbekiston terma jamoasi Butanga qarshi bahs olib bordi.
Uchrashuvda o‘zbekistonliklar 9:0 hisobida zafar quchdi. O‘zbekiston safida Diyora Habibullayeva penta-trik qayd etgan bo‘lsa, Lyudmila Karachik dubl qayd etdi. Aziza Norboyeva va Maftuna Shoyimova o‘z hisobiga bittadan gol yozdirib qo‘ydi.
O‘zbekiston terma jamoasi keyingi o‘yinini 8-aprel kuni Timor Lestega qarshi o‘tkazadi.
Parij-2024 Osiyo mintaqasi
1-tur bahsi
5-aprel, chorshanba
O‘zbekiston — Butan 9:0
Gollar: Diyora Habibullayeva 2, 20, 45, 48, 73, Lyudmila Karachik 30 (penalti), 42, Aziza Norboyeva 51, Maftuna Shoyimova 90.
O‘zbekiston: 1. Maftuna Jonimqulova, 2. Madina Himatova, 5. Nafisa Nabiqulova, 6. Saida Galimova, 8. Ilvina Ablyakimova, 10. Diyora Habibullayeva, 11. Maftuna Shoyimova, 17. Lyudmila Karachik, 18. Aziza Norboyeva, 10. Nozimaxon Ergasheva, 20. Kamila Zaripova.
Izoh (0)