Saudiya Professional Ligasi. “An-Nassr” raqib darvozasiga javobsiz 5 ta gol urdi, Ronaldudan dubl

Futbol bo‘yicha Saudiya Arabistoni chempionatining 22-turida “An-Nassr” 4-aprel, seshanba kuni “Al-Adala” bilan bahs olib bordi.

Uchrashuv “An-Nassr”ning 5:0 hisobidagi g‘alabasi bilan yakunlandi. Ar-Riyod klubi safida Krishtianu Ronaldu va Anderson Taliska dubl qayd etgan bo‘lsa, Ayman Yahyo o‘z hisobiga bitta gol yozdirib qo‘ydi.

Mazkur o‘yinda “An-Nassr”ning o‘zbekistonlik futbolchisi Jaloliddin Masharipov zaxirada qoldi.

Shu tariqa “An-Nassr” ochkolari sonini 52 taga yetkazib, 2-o‘rinni band etib turibdi. 

Saudiya Professional Ligasi

22-tur bahsi

4-aprel, seshanba

“Al-Adala” – “An-Nassr” 0:5

Gollar: 0:1 – 40 Ronaldu (penalti), 0:2 – 55 Taliska, 0:3 – 66 Ronaldu, 0:4 – 78 Taliska, 0:5 – 90 Yahyo.

“Al-Adala”: Miyatovich, Al-Jamaan (Al-Haydar, 62), G‘odal, As-Salim (Al-Harbi, 90), Al-Ufi (Al-Alavi, 82), Edson, Tiyanich, Hamdi (Al-Habib, 62), Lenis (Abo Abd, 90), Antonsson, Eujeniu.

“An-Nassr”: Al-Aqidi (Rossi, 90), Al-G‘anam (Al-Avjami, 68), Alvaro Gonsales, Al-Amri, Konan, Taliska, Luis Gustavo, An-Naji (Yahyo, 20), Al-Haybari (Al-Hassan, 90), Ronaldu, G‘arib (Abdulla, 68).

Ogohlantirishlar: Hamdi (34), Al-G‘anam (61).