Germaniya Kubogi. “Bavariya” chorak finalda “Frayburg”ga mag‘lub bo‘lib, o‘z yurishini to‘xtatdi

Futbol bo‘yicha Germaniya Kubogining 1/4 final bahsida “Bavariya” 4-aprel, seshanba kuni “Frayburg” bilan bahs olib bordi.

Uchrashuvning 19-daqiqasida Dayo Upamekano hisobni ochdi. Biroq mehmonlar bu golga tezda javob qaytardi. 27-daqiqada Hefler o‘z hisobiga gol yozdirib qo‘ydi. Jamoalar tanaffusga durang natija bilan yo‘l oldi.

Ikkinchi bo‘limda myunxenliklar o‘yin nazoratini qo‘lga olgan bo‘lsa-da, darvozani aniq nishonga ololmadi. O‘yin yakunida esa hakam Myunxen klubi darvozasiga penalti belgiladi. 90+5-daqiqada Lukas Heler penaltidan unumli foydalanib, jamoasini keyingi bosqichga olib chiqdi. 

Shu tariqa “Bavariya” chorak finalda o‘z yurishini to‘xtatishga majbur bo‘ldi.

Germaniya Kubogi

1/4 final

4-aprel, seshanba

“Bavariya” — “Frayburg” 1:2

Gollar: 1:0 – 19 Upamekano, 1:1 – 27 Hefler, 1:2 – 90+5 Heler (penalti).

“Bavariya”: Zommer, Pavar, Upamekano, de Ligt, Joau Kanselu, Goretska (Mane, 79), Kimmix, Myuller, Koman (Gnabri, 64), Sane, Shupo-Moting (Musiala, 64).

“Frayburg”: Flekken, Sildiyya, Gulde, Ginter, Gyunter, Grifo (Shallai, 68), Hefler, Eggeshtayn, Doan, Gregorich, Heler.

Ogohlantirishlar: Gregorich (36), Sildiyya (61), Upamekano (83), Mane (90), Musiala (90), Pavar (90).