Italiya Kubogi. “Inter” “Yuventus”ga qarshi o‘yinda so‘nggi daqiqalarda urilgan gol evaziga mag‘lubiyatdan qutulib qoldi

Futbol bo‘yicha Italiya Kubogining yarim finalida “Yuventus” va “Inter” jamoalari 4-aprel, seshanba kuni o‘zaro to‘qnash keldi.

Uchrashuvning birinchi bo‘limida darvozalar ishg‘ol etilmadi. Ikkinchi bo‘lim ham tengkurashlar ostida kechdi. O‘yinning 83-daqiqasiga kelib, hisob ochildi. Turinliklar a’zosi Xuan Kuadrado uchrashuvdagi dastlabki gol muallifiga aylandi. Biroq “Inter” o‘yin oxirlab qolganida, hisobni tenglashtirishga muvaffaq bo‘ldi. Hakam tomonidan qo‘shib berilgan 5-daqiqada “nerazzuri” hujumchisi Romelu Lukaku penaltini aniq amalga oshirib, muvozanatni tikladi. 

Qayd etib o‘tish joiz, o‘yin yakunida har ikkala jamoa futbolchilariga ham qizil kartochka ko‘rsatildi. Turin klubida Kuadrado qizil olgan bo‘lsa, milanliklar safida Lukaku va Samir Handanovichlar maydondan chetlatildi. 

Shu tariqa yarim finalning dastlabki o‘yinida durang natija qayd etildi.

Italiya Kubogi

1/2 final bahsi

4-aprel, seshanba

“Yuventus” – “Inter” 1:1

Gollar: 1:0 – 83 Kuadrado, 1:1 – 90 Lukaku (penalti).

“Yuventus”: Perin, Danilo, Bremer, Gatti, Kuadrado, Kostich, Di Mariya (Kyeza, 65), Rabyo, Lokatelli, Fajoli (Miretti, 65), Vlahovich (Milik, 74).

“Inter”: Handanovich, Darmian, D’ambrozio (Dumfris, 81), Acherbi, Bastoni, Dimarko (Gozens, 69), Mxitaryan, Brozovich (Aslani, 81), Barella, Jeko (Lukaku, 69), Martines (Korrea, 86).

Ogohlantirishlar: Brozovich (41), Lukaku (80), Miretti (89), Kuadrado (90).

Chetlatishlar: Lukaku (90), Kuadrado (90), Handanovich (90).