Qozog‘iston prezidenti Qosim-Jo‘mart To‘qayev Murat Nurtleuni bosh vazir o‘rinbosari va tashqi ishlar vaziri lavozimiga tayinladi. Shu asosda Nurtleu prezident adminstratsiyasi rahbari lavozimidan ozod etildi. Bu haqda “Daryo”ning Qozog‘istondagi muxbiri Oqo‘rda saytiga tayanib, xabar berdi.
2019-yildan buyon TIV rahbari lavozimida Muxtor Tlovberdi ishlab kelayotgan edi. Nurtleu o‘tgan yillar davomida Qozog‘iston Tashqi ishlar vazirligida turli lavozimlarda ishlagan, 2016—2019-yillarda esa Finlyandiya va Estoniyadagi favqulodda va muxtor elchi bo‘lgan.
Qozog‘iston prezidenti adminstratsiyasini endilikda avval Korrupsiyaga qarshi kurash agentligini boshqargan Oljas Bektenov boshqaradi.
Qozog‘iston mudofaa vaziri Ruslan Jaqsiliqov va ichki ishlar vaziri Marat Axmetjanov hukumatdagi o‘z lavozimlarini saqlab qoldi.
30-mart kuni To‘qayev Alixon Smailovning respublika bosh vaziri lavozimiga qayta tayinlagan edi.
Izoh (0)