Qozog‘iston O‘zbekiston bilan chegarani demarkatsiya qilish to‘g‘risidagi bitimni ma’qulladi

Qozog‘iston prezidenti Qosim-Jo‘mart To‘qayev Qozog‘iston—O‘zbekiston chegarasini 5 kilometrga uzaytirishni ma’qullash to‘g‘risidagi qonunni imzoladi.

“Qozog‘iston Respublikasi va O‘zbekiston Respublikasi o‘rtasida qozoq-o‘zbek davlat chegarasini demarkatsiya qilish to‘g‘risidagi bitimni ratifikatsiya qilish haqida”gi qonun Qozog‘iston parlamenti tomonidan mart oyi o‘rtalarida qabul qilingan edi.

2003-yilda boshlangan demarkatsiya bo‘yicha muzokaralar qariyb 19 yil davom etdi, bu vaqtda demarkatsiya komissiyasining 100 ta yig‘ilishi va demarkatsiya bo‘yicha ishchi guruhining 34 ta yig‘ilishi o‘tkazildi. 2022-yilda Qozog‘iston—O‘zbekiston davlat chegarasini demarkatsiya qilish to‘g‘risida shartnoma imzolandi, chegara belgilarini o‘rnatish bo‘yicha dala ishlari 2004—2021-yillarda davom ettirildi.

Demarkatsiya ishlari natijasida Qozog‘iston va O‘zbekiston o‘rtasida 2 356 km chegara o‘rnatilib, unga 1 301 ta chegara belgilari qo‘yildi.