Superliga. “Paxtakor” penaltiga boy bo‘lgan o‘yinda “Metallurg”ni yengdi, “Bunyodkor” mavsumda ilk bor ochko yo‘qotdi

Futbol bo‘yicha O‘zbekiston Superligasining 4-turidan o‘rin olgan ikkita bahs 2-aprel, yakshanba kuni bo‘lib o‘tdi.

“Paxtakor” Bekobodda “Metallurg” mehmoni bo‘ldi. Birinchi bo‘limning oxirgi daqiqalarida toshkentliklar penalti ishlab oldi. Uni Dragan Cheran muvaffaqiyatli amalga oshirdi.

69-daqiqada Cheran dublni rasmiylashtirgan holda hisobni ishonchli ko‘rinishga keltirdi. 80-daqiqada serbiyalik futbolchi yana bir penaltini golga aylantirib, het-trik qayd etdi. Ko‘p o‘tmay endi “Paxtakor” darvozasi tomon 11 metrlik jarima zarbasi belgilandi, uni Husniddin G‘ofurov muvaffaqiyatli ijro etdi.

Shu tariqa “Paxtakor” ketma-ket ikkinchi g‘alabasini qo‘lga kiritgan holda olti ochko bilan 7-pog‘onaga ko‘tarildi.

Yana bir o‘yin “Bunyodkor” va “Turon” jamoalari o‘rtasida kechdi. Uchrashuvda hisob ochilmadi.

Mavsumda ilk bor ochko yo‘qotgan “Bunyodkor” 10 ochko bilan 2-o‘rinda bormoqda. “Turon” 2 ochko bilan 13-pog‘onadan joy olgan.

Superliga

4-tur bahslari

2-aprel, yakshanba

“Metallurg” – “Paxtakor” 1:3

Gollar: 0:1 – 41, penalti Cheran, 0:2 – 69 Cheran, 0:3 – 80, penalti Cheran, 1:3 – 85, penalti G‘ofurov.

“Metallurg”:  87. Akmal Ortiqov, 4. Kerim Palich, 6. Xudoyshukur Sattorov, 9. Zabixillo O‘rinboyev (Husniddin G‘ofurov, 81), 10. Bektemir Abdumannonov, 14. Abrorbek Toshqo‘ziyev, 17. Vladislav Kasminin, 21. Abdujalil Manazarov, 22. Shahzodbek G‘ofurbekov (Izzatillo Po‘latov, 90+2), 25. Shahzod Ne’matjonov, 97. Muhammadali Aliqulov (Ivan Yosovich, 84).

“Paxtakor”: 35. Sanjar Quvvatov, 3. Hojiakbar Alijonov (Dilshod Saidov,78), 4. Doston Tursunov, 5. Muhammadqodir Hamraliyev, 8. Azizbek Turg‘unboyev, 10. Dragan Cheran ( Rustam Turdimurodov,87), 14. Abbosbek Fayzullayev, 15. Giorgi Papava (Behruzbek Asqarov, 84), 17. Dostonbek Hamdamov (Po‘latxo‘ja Xoldorxonov, 87), 27. Sardor Sobirxo‘jayev (Diyor Xolmatov,87), 88. Shahzod Azmiddinov.

Ogohlantirish: Toshqo‘ziyev (51), Papava (68).

“Bunyodkor” – “Turon” 0:0

“Bunyodkor”: 32. Suhrobjon Sultonov, 2. Aleksey Nosko, 4. Davronjon Ergashev, 6. Avazbek O‘lmasaliyev, 7. Akbarjon Ismatullayev, 8. Shohruh Abdurahmonov (Umid Sultonov, 85) 11. Igor Ivanovich, (Rasul Yo‘ldoshev, 69), 15. Jasurbek Hakimov (Mahmud Mahamadjonov, 57) 22. Usmonali Ismonaliyev, 33. Doniyor Abdumannopov (Farhod O‘tkirov, 85), 34. Suhrob Izzatov.

“Turon”: 35. Rahim Davronov, 5. Marlen Chobanov, 7. Azimjon Ahmedov, 11. Shohnazar Norbekov (Aziz Ibragimov, 65), 14. Xurshidbek Muxtorov, 17. Quvondiq Ro‘ziyev (Asliddin Toshtemirov, 87) 19. Sardor Abduraimov,(  Zakariyo Beglarishvili, 75), 22. Dushan Stoilkovich, 44. Anri Chichinadze, 55. Xushnud Avilov, 77. Bilolxon Toshmirzayev (Abdulaziz Abdurashidov, 75).