Ikki rekord va bir nechta tarixiy natija. “Barselona” g‘alabali yurishini davom ettirmoqda
“Barselona” La Liga 27-turida “Elche”ni 4:0 hisobida mag‘lub etdi.
Katalonlar ortda qolgan 27 ta o‘yinda 71 ochko to‘plashga erishdi. Bu liga tarixidagi eng yaxshi ikkinchi natija bo‘ldi. 2012/13-yilgi mavsum “Barselona” va 2011/12-yilgi mavsumda “Real” 27 turda xuddi shuncha ochko jamg‘argandi.
Eng yaxshi natija esa 2010/11-yilgi mavsumda “Barselona” tomonidan qayd etilgan — 27 turda 74 ochko.
Ushbu 27 ta tur davomida “ko‘k-anorranglilar” 20 ta o‘yinda o‘z darvozasidan to‘p olib chiqmadi va bor-yo‘g‘i 9 ta gol o‘tkazib yubordi. Har ikki ko‘rsatkich liga rekordi hisoblanadi.
La Liga joriy mavsumida katalonlar darvozasiga yo‘l topgan jamoalar: “Real” (4), “Real Sosyedad” (1), “Osasuna” (1), “Espanyol” (1), “Betis” (1) va “Almeriya” (1).
Xavi jamoasi chempionatdagi so‘nggi beshta o‘yinni o‘z foydasiga hal qildi, klub oxirgi 12 ta o‘yindan 11 tasida g‘alaba qozongan.
2-martdan keyin “Barselona” Ispaniya Kubogida 5 ta o‘yin o‘tkazib, ularning barchasida g‘alaba qozondi. Keyingi o‘yin 5-aprel kuni “Real”ga bo‘lib o‘tadi.
“Barselona” La Liga joriy mavsumida 12 ta safar o‘yinini o‘z foydasiga hal qila oldi. Top-5 ligalar vakillari orasida faqat “Napoli” shunday natija qayd eta olgan.
