A Seriya. “Inter” Florensiya klubiga mag‘lub bo‘ldi, “Yuventus” minimal hisobda g‘alaba qozondi 

Futbol bo‘yicha Italiya A Seriyasining 28-turidan o‘rin olgan qator uchrashuvlar 1-aprel, shanba kuni bo‘lib o‘tdi.

“Inter” o‘z maydonida “Fiorentina”ni qabul qildi. Uchrashuvning birinchi bo‘limida darvozalar ishg‘ol etilmadi. Ikkinchi bo‘limda esa Bonaventura tomonidan urilgan gol florensiyaliklarga g‘alaba keltirdi. 

Milanliklar ushbu mag‘lubiyatdan so‘ng 50 ochko bilan 3-o‘rinda qoldi, “Fiorentina” esa 40 ochko bilan 8-pog‘onani band etdi.

“Yuventus” “Verona” bilan bahs olib bordi va minimal hisobda g‘alaba qozondi. Uchrashuvdagi yagona gol Moyze Kin hisobiga yozildi.

Turinliklar ochkolari sonini 44 taga yetkazib, 7-o‘rinda bormoqda.

A Seriya

28-tur bahslari

1-aprel, shanba

“Inter” – “Fiorentina” 1:0

Gol: 0:1 – 53 Bonaventura.

“Inter”: Onana, Dumfris, Darmian, Acherbi, Bastoni (de Vrey, 63), Gozens (Bellanova, 63), Mxitaryan (Aslani, 78), Brozovich (Jeko, 78), Barella, Korrea (Martines, 63), Lukaku.

“Fiorentina”: Terrachchano, Dodo, Martines (Milenkovich, 46), Igor Julio, Biragi, Bonaventura, Saponara (Sottil, 66), Mandragora (Barak, 76), Ikone (Raneri, 76), Kastrovilli (Amrabat, 66), Artur.

Ogohlantirishlar: Kastrovilli (58), Ikone (76), Brozovich (77), Amrabat (79), Acherbi (90), Italyano (90).

“Yuventus” – “Verona” 1:0

Gol: 1:0 – 55 Kin.

“Yuventus”: Shchensni, Danilo, Bremer, Gatti, De Shilyo, Kuadrado (Kostich, 66), Lokatelli, Fajoli, Barrenechea (Miretti, 46), Milik (Di Mariya, 60), Kin (Vlahovich, 60).

“Verona”: Montipo, Faraoni (Terrachchano, 81), Chekkerini (Kabal, 66), Davidovich, Manyani, Depaoli (Doyg, 67), Velozu (Verdi, 66), Tamez, Duda, Lazanya (Ngonj, 78), Gaych.

Ogohlantirishlar: Depaoli (44), Gaych (58), Kin (59).