Bundesliga. “Bavariya” 6 ta gol urilgan o‘yinda “Borussiya D”ni mag‘lub etdi va musobaqa peshqadamiga aylandi

Futbol bo‘yicha Germaniya Bundesligasining 26-turida “Bavariya” va “Borussiya D” 1-aprel, shanba kuni o‘zaro bahs olib bordi.

Turning markaziy o‘yinida myunxenliklar 4:2 hisobida g‘alaba qozondi. “Bavariya” tarkibida Tomas Myuller dubl qayd etgan bo‘lsa, bitta gol Kingsli Koman hisobiga yozildi. Yana bitta gol “Dortmund” futbolchisi Gregor Kobel hisobiga avtogol sifatida qayd etildi. “Borussiya” safida Emre Jan va Donyell Malen gol mualliflariga aylandi.

Tomas Tuxelning debyutida “Bavariya” zafar quchdi va ochkolarini 55 taga yetkazib, musobaqa peshqadamiga aylandi. “Dortmund” esa 53 ochko bilan 2-o‘ringa tushdi. 

Bundesliga

26-tur bahsi

1-aprel, shanba

“Bavariya” – “Borussiya D” 4:2

Gollar: 1:0 – 13 Kobel (avtogol), 2:0 – 18 Myuller, 3:0 – 23 Myuller, 4:0 – 50 Koman, 4:1 – 72 Jan, 4:2 – 90 Malen.

“Bavariya”: Zommer, Pavar, Upamekano, de Ligt, Goretska (Gravenberx, 86), Kimmix, Devis (Joau Kanselu, 79), Myuller (Gnabri, 69), Koman (Musiala, 79), Sane, Shupo-Moting (Mane, 69).

“Borussiya D”: Kobel, Zyule, Shlotterbek (Hummels, 44), Ryuerson (Ozjan, 46), Brandt (Malen, 46), Gerreyru, Roys (Daud, 61), Jan, Bellinghem, Volf, Aller (Mukoko, 61).

Ogohlantirishlar: Jan (12), Upamekano (64).