La Liga. “Barselona” safarda raqibini tor-mor etdi
Futbol bo‘yicha Ispaniya La Ligasining 27-turida “Barselona” 1-aprel, shanba kuni “Elche” maydoniga safar qildi.
Uchrashuvning 20-daqiqasida Robert Levandovski hisobni ochdi. Tanaffusga kataloniyaliklar miminal ustunlik bilan yo‘l oldi.
Ikkinchi bo‘limda esa “ko‘k-anorranglilar” ketma-ket gollarni ura boshladi. 56-daqiqada Ansu Fati kataloniyaliklarning ikkinchi goliga mualliflik qilgan bo‘lsa, 66-daqiqada Levandovski dublni rasmiylashtirdi. Oradan 4 daqiqa o‘tib, Ferran Torres yakuniy hisobni o‘rnatdi. O‘yinda 4:0 hisobida “Barselona”ning g‘alabasi bilan yakunlandi.
Shu tariqa Xavi shogirdlari ochkolari sonini 71 taga yetkazib, “Real” bilan oradagi farqni 15 ochkoga yetkazdi.
La Liga
27-tur bahsi
1-aprel, shanba
“Elche” – “Barselona” 0:4
Gollar: 0:1 – 20 Levandovski, 0:2 – 56 Fati, 0:3 – 66 Levandovski, 0:4 – 70 Ferran Torres.
“Elche”: Badiya, Palasios, Bigas, Maskarel, Klerk, Blanko (Fernandes Merkau, 65), Morente (Xosan, 65), Karmona (Guti, 54), Fidel, Gumbau, Milya (Ponse, 76).
“Barselona”: ter Stegen, Kunde, Alonso, Arauxo (Torre, 78), Alba, Erik Garsiya, Serji Roberto, Gavi (Kessie, 68), Ferran Torres, Fati (Garrido, 84), Levandovski.
Ogohlantirishlar: Gavi (60), Arauxo (74), Levandovski (87).
