Суперлига. “Пахтакор” пенальтига бой бўлган ўйинда “Металлург”ни енгди, “Бунёдкор” мавсумда илк бор очко йўқотди

Футбол бўйича Ўзбекистон Суперлигасининг 4-туридан ўрин олган иккита баҳс 2 апрель, якшанба куни бўлиб ўтди.

“Пахтакор” Бекободда “Металлург” меҳмони бўлди. Биринчи бўлимнинг охирги дақиқаларида тошкентликлар пенальти ишлаб олди. Уни Драган Черан муваффақиятли амалга оширди.

69-дақиқада Черан дублни расмийлаштирган ҳолда ҳисобни ишончли кўринишга келтирди. 80-дақиқада сербиялик футболчи яна бир пенальтини голга айлантириб, ҳет-трик қайд этди. Кўп ўтмай энди “Пахтакор” дарвозаси томон 11 метрлик жарима зарбаси белгиланди, уни Ҳусниддин Ғофуров муваффақиятли ижро этди.

Шу тариқа “Пахтакор” кетма-кет иккинчи ғалабасини қўлга киритган ҳолда олти очко билан 7-поғонага кўтарилди.

Яна бир ўйин “Бунёдкор” ва “Турон” жамоалари ўртасида кечди. Учрашувда ҳисоб очилмади.

Мавсумда илк бор очко йўқотган “Бунёдкор” 10 очко билан 2-ўринда бормоқда. “Турон” 2 очко билан 13-поғонадан жой олган.

Суперлига

4-тур баҳслари

2 апрель, якшанба

“Металлург” – “Пахтакор” 1:3

Голлар: 0:1 – 41, пенальти Черан, 0:2 – 69 Черан, 0:3 – 80, пенальти Черан, 1:3 – 85, пенальти Ғофуров.

“Металлург”:  87. Акмал Ортиқов, 4. Керим Палич, 6. Худойшукур Сатторов, 9. Забихилло Ўринбоев (Ҳусниддин Ғофуров, 81), 10. Бектемир Абдуманнонов, 14. Аброрбек Тошқўзиев, 17. Владислав Касминин, 21. Абдужалил Маназаров, 22. Шаҳзодбек Ғофурбеков (Иззатилло Пўлатов, 90+2), 25. Шаҳзод Неъматжонов, 97. Муҳаммадали Алиқулов (Иван Ёсович, 84).

“Пахтакор”: 35. Санжар Қувватов, 3. Ҳожиакбар Алижонов (Дилшод Саидов,78), 4. Достон Турсунов, 5. Муҳаммадқодир Ҳамралиев, 8. Азизбек Турғунбоев, 10. Драган Черан ( Рустам Турдимуродов,87), 14. Аббосбек Файзуллаев, 15. Гиорги Папава (Беҳрузбек Асқаров, 84), 17. Достонбек Ҳамдамов (Пўлатхўжа Холдорхонов, 87), 27. Сардор Собирхўжаев (Диёр Холматов,87), 88. Шаҳзод Азмиддинов.

Огоҳлантириш: Тошқўзиев (51), Папава (68).

“Бунёдкор” – “Турон” 0:0

“Бунёдкор”: 32. Суҳробжон Султонов, 2. Алексей Носко, 4. Давронжон Эргашев, 6. Авазбек Ўлмасалиев, 7. Акбаржон Исматуллаев, 8. Шоҳруҳ Абдураҳмонов (Умид Султонов, 85) 11. Игор Иванович, (Расул Йўлдошев, 69), 15. Жасурбек Ҳакимов (Маҳмуд Маҳамаджонов, 57) 22. Усмонали Исмоналиев, 33. Дониёр Абдуманнопов (Фарҳод Ўткиров, 85), 34. Суҳроб Иззатов.

“Турон”: 35. Раҳим Давронов, 5. Марлен Чобанов, 7. Азимжон Аҳмедов, 11. Шоҳназар Норбеков (Азиз Ибрагимов, 65), 14. Хуршидбек Мухторов, 17. Қувондиқ Рўзиев (Аслиддин Тоштемиров, 87) 19. Сардор Абдураимов,(  Закариё Бегларишвили, 75), 22. Душан Стоилкович, 44. Анри Чичинадзе, 55. Хушнуд Авилов, 77. Билолхон Тошмирзаев (Абдулазиз Абдурашидов, 75).