APL. “Arsenal” o‘z maydonida yirik hisobda g‘alaba qozondi
Futbol bo‘yicha Angliya Premyer Ligasining 29-turida “Arsenal” 1-aprel, shanba kuni “Lids”ni qabul qildi.
Uchrashuv to‘liq londonliklarning ustunligida kechdi. Dastlab, 35-daqiqada Gabriel Jezus penaltini aniq amalga oshirib, hisobni ochdi. Ikkinchi bo‘lim boshida Benjamen Uayt londonliklarning ikkinchi goliga mualliflik qildi. 55-daqiqada Jezus dublni rasmiylashtirdi. Shundan so‘ng “Lids” hisobni qisqartirdi. 76-daqiqada Rasmus Kristensen o‘z hisobiga gol yozdirib qo‘ydi. 84-daqiqada esa Granit Jaka hisobni yana yirik ko‘rinishga olib keldi.
Mikel Arteta shogirdlari ushbu g‘alabadan so‘ng ochkolari sonini 72 taga yetkazib, birinchi o‘rinni mustahkamladi. Ikkinchi o‘rinda borayotgan “Manchester Siti”da 64 ochko mavjud.
APL
29-tur bahsi
1-aprel, shanba
“Arsenal” – “Lids” 4:1
Gollar: 1:0 – 35 Gabriel Jezus (penalti), 2:0 – 47 Uayt, 3:0 – 55 Gabriel Jezus, 3:1 – 76 Kristensen, 4:1 – 84 Jaka.
“Arsenal”: Remsdeyl, Uayt, Holding, Gabriel, Zinchenko (Tirni, 85), Jaka (Fabiu Vieyra, 86), Parti (Jorjinyo, 60), Edegor (Smit-Rou, 85), Trossard, Martinelli, Gabriel Jezus (Saka, 60).
“Lids”: Mele, Eyling, Streyk, Kox (Kuper, 74), Firpo, Kristensen, Roka, Harrison (Bemford, 85), Aaronson (Makkenni, 65), Sinisterra (Rodrigo, 65), Sammervill (Ryutter, 74).
Ogohlantirishlar: Kox (45), Bemford (90).
