Afg‘oniston va Pokistonda zilzila oqibatida 11 kishi halok bo‘ldi

Afg‘oniston va Pokistonda 21-mart kuni sodir bo‘lgan zilzila oqibatida 11 kishi halok bo‘ldi. Bu haqda “TASS” xabar berdi.

Ma’lum bo‘lishicha, Pokistonning Xaybar-Paxtunxva viloyatida tabiiy ofat oqibatida 9 kishi halok bo‘lgan, 44 kishi jarohatlangan.

Bundan tashqari, Afg‘oniston tabiiy ofatlar oqibatlarini yumshatish agentligi vakili Lag‘mon viloyatida ikki kishi halok bo‘lganini ma’lum qilgan.

21-mart kuni ertalab Yevropa–O‘rta Yer dengizi seysmologiya markazi Afg‘onistonda 6,8 magnitudali zilzilani qayd etgandi, keyinroq seysmologlar 6,5 magnitudali zilzilani aniqlagan.