Toshkent vaqti bilan 21:47 da Afg‘onistonda sodir bo‘lgan zilzila kuchi O‘zbekiston hududida ham sezildi. O‘zbekistondagi Android smartfon foydalanuvchilari birinchi marta kuchli zilzila paytida zilzila haqida ogohlantirish oldi. Quyida zilziladan ogohlantiruvchi mazkur funksiya haqida maʼlumot beriladi va uni yoqish usuli o‘rgatiladi.
Bu funksiya 2020-yilning yozida AQSHda, Kaliforniyaning zilzila sodir bo‘lishi mumkin bo‘lgan mintaqasida fuqarolarni ogohlantirish orqali ularning hayotini saqlab qolish maqsadida sinovdan o‘tkazilgan.
Kompaniya maʼlumotlariga ko‘ra, mobil telefon qurilmasi zilzila bilan bog‘liq xususiyatlarga ega tebranishlarni aniqlaydi, so‘ngra maxsus Google serveriga signal yuboradi. Shuningdek, signalning nisbiy geosiyosiy joylashuvini ko‘rsatadi. Keyin server zilzila haqiqatan ham sodir bo‘layotganini aniqlash uchun ko‘plab turli smartfonlardan kelgan barcha signallarni kengroq hududda birlashtiradi.
Mazkur funksiyani yoqish uchun telefoningizda Sozlamalar ilovasini oching. “Xavfsizlik va favqulodda vaziyatlar” yozuvi ustiga bosing. Agar sizda “Zilzila haqida ogohlantirishlar. Xavfsizlik va favqulodda vaziyatlar” bo‘limi ko‘rinmasa “Kengaytirilgan joylashuv” yozuviga bosing. Shu usul orqali siz zilzila haqida ogohlantirishlar funksiyasini yoqa olasiz. Eng muhimi, funksiya ishlashi uchun sizda internet yoki Wi-fi yoqilgan bo‘lishi kerak.
Izoh (1)
wiфи си нимаси? Савод ҳам бор экан.