Modani kuzatish qiziq, biroq garderobni modadagi barcha kiyimlar bilan to‘ldirib bo‘lmaydi. Kiyim tanlayotganda iloji boricha modadan qolmaydigan kiyimlarni xarid qilgan ma’qul. U zamonaviy narsalarni mukammal ravishda to‘ldiradi va asosiy garderobni yaratishga yordam beradi.
Ko‘k jinsilar
2023-yilda turli uslubdagi jinsilar modaga kiradi, biroq ularning orasida umuman urfdan qolmaydiganlari ham bor. Jinsilarni sotib olishda afsonaviy Levi’s 501 uslubiga e’tibor qaratishingiz mumkin, belga mos keladigan tekis jinsilarni boshqa ustki kiyimlar bilan moslashtirish oson. Amerikalik sharhlovchi Fren Lebovits aynan shu uslubdagi jinsilarni juda yaxshi ko‘radi va ularni boshqa kiyimlar bilan moslashtiradi. Biroq qomatingizga mosroq uslubni tanlashingiz kerak, masalan, skinni, boyfrend, mom, butkat va boshqa uslubdagi jinsilarni sotib oling. Jinsilarni uzoq vaqt kiyishni istasangiz, uning kompozitsiyaga e’tibor bering, jinsi matosi kamida 80 foiz paxtadan bo‘lishi kerak.
Qora jinsilar
Agar ofisda dress-kod mavjud bo‘lsa, klassik shimlarni qora jinsilar bilan almashtirish mumkin. Ushbu jinsi bilan moslashtirilgan oq yoki boshqa rangdagi ko‘ylak chiroyli imij yaratishga yordam beradi. Qora jinsilar shak va mato jihatidan ko‘k jinsi shimlar bilan bir xil, agar to‘g‘ri uslubdagi shimni kiyishga tayyor bo‘lmasangiz, o‘zingizga mos keladiganini tanlang. Shuningdek, mato kamida 80 foizli paxtadan bo‘lishi kerak.
Kojadan tikilgan pidjak
Kojadan tikilgan pidjak garderobingizdagi asosiy kiyimlardan biri bo‘lishi kerak. Masalan, agar siz qora rangdagi kiyimlarni yoqtirsangiz, qora yaltiroq charm pidjak ko‘rinishga tekstura qo‘shadi. Bundan tashqari, kojadan tikilgan pidjak mavsumdagi eng yaxshi ustki kiyimlardan biri, u bahor va kuz mavsumi uchun juda yaxshi tanlov hisoblanadi. Pidjak oq ko‘ylak va sport uslubidagi xudi bilan juda mos keladi.
Futbolka
Katta hajmli futbolka har bir mavsumda bo‘lishi kerak. Uni kostyum-shim, jinsi shimlar bilan va hatto ko‘ylak tagidan ham kiysa bo‘ladi. Hozirda futbolkalarning grenj uslubdagisi juda mashhur. Garderobingizdagi futbolkalar qora, oq, och qaymoqrang, oddiy naqshsiz bo‘lgani ma’qul. Yeng uzunligi va hajmini o‘zingizga mos ravishda tanlashingiz mumkin, kimdir tor, kimdir esa katta o‘lchamdagi futbolkalarni yaxshi ko‘radi.
Qora rangdagi liboslar
Qora rangli ko‘ylaklar ham garderobingizda asosiy kiyim bo‘la oladi. Bu libosda bir kunda ishga ham ziyofatga ham borishingiz mumkin. Qora rangdagi kiyimlarning mini, midi uzunligidagi yoki oddiy uslubdagisini tanlagan ma’qul.
Yo‘l-yo‘l ko‘ylak
Yo‘l-yo‘l ko‘ylak dastlab dengizchilar kiyimi hisoblangan, keyinchalik u moda vakillarining garderobiga ko‘chib o‘tdi. Shuningdek yo‘l-yo‘l ko‘ylak Shanelning taklifi bilan Birinchi jahon urushi paytida ayollarga fransuz dengizchilari foydalangan jilet kiydirilgan. Uning sharofati bilan “fransuz ayoli” so‘zi ishlatilganda, ko‘pchilik darhol yo‘l-yo‘l ko‘ylak va beret kiygan ayolni tasavvur qiladigan bo‘ldi. Hozirgi kunda turli ranglardagi: qora, ko‘k, qizil, och qaymoqrang va boshqa rangdagi yo‘l-yo‘l kiyimlarni topishingiz mumkin. Och rangdagi yo‘l-yo‘l ko‘ylaklarni boshqa kiyimlar bilan moslashtirsa bo‘ladi. Uni jinsi shim va ko‘ylaklar bilan ham kiyish mumkin.
Jigarrang trench
Och qaymoqrang trench palto 19-asrda Tomas Burberry tomonidan ixtiro qilingan bo‘lib, u kelgusi yillar davomida Burberry brendining o‘ziga xos belgisiga aylandi. Uni mashhur aktrisalar Merilin Monro, Ketrin Denev, Odri Xepbyorn suratga olish jarayonlarida kiygan. Siz kostyum-shim, oq yoki boshqa rangdagi ko‘ylak kiyasizmi? Unda trench palto aynan siz uchun. U hamma narsa bilan ajoyib ko‘rinadi. Bu podiumlarda trend o‘zgarganda ham dolzarb bo‘lib qolishining asosiy sababi hisoblanadi.
Oq ko‘ylak
Oq ko‘ylak oddiy futbolka kabi bo‘lishi kerak. Oq ko‘ylak va jinsi shim kompleksi bilan chiroyli imij yaratish mumkin. Uni faqat ishda kiyish mumkin, deydiganlar adashadilar. Masalan, malika Diana uni jigarrang kamar va ochiq ko‘k rangdagi tekis jinsi shim bilan kiygan. Kerolin Bessett-Kennedi uni sayrlarda ham, kechki uchrashuvlarda ham kiygan.
Kostyum-shim
Kostyum-shim ham garderobingizda asosiy kiyimlardan biri bo‘lishi kerak. Ushbu kiyim garderobda kamida uchta obrazni hosil qilishga yordam beradi, chunki kostyum-shimni birgalikda yoki alohida kiyish mumkin. Agar kostyum klassik uslubda, minimalistik va uncha ko‘zga tashlanmaydigan ranglarda bo‘lsa, uni boshqa narsalar bilan oson moslashtirsa bo‘ladi.
Klassik uslubdagi palto
Paltoni tanlashda ham kostyum-shim tanlashga e’tibor bergan qoidalarga amal qiling, iloji boricha ko‘zga tashlanmaydigan rang va klassik uslubdagi paltolarni tanlang. Bunday holatda ikki qirra yoqali, tugmali paltolarni tanlagan ma’qul. Uzunligi tizzadan yoki undan pastda bo‘lgan paltolar yaxshi tanlov bo‘la oladi. Palto matosiga ham alohida e’tibor bering, matoning 50 foizi jundan iborat bo‘lishi kerak. Bunday palto akril yoki viskozadan ko‘ra qimmatroq, biroq u yaxshi isitadi, shuningdek, paltoni uzoqroq muddat kiyish mumkin.
Yoqasi aylana yoki V shaklida bo‘lgan jemfer
.jpg)
Yaxshi jemfer yubkani ham, ko‘ylakni ham ajoyib tarzda to‘ldiradi. Yoqasi aylana yoki V shaklidagi jemfer tagidan boshqa kiyimlarni ham kiyish mumkin. Aylana yoqali jemfer tagidan futbolka kiyishingiz mumkin, shunda uning yoqasini biroz chiqarib qo‘ygan ma’qul. V yoqali jemferlarni ko‘ylaklar birlashtirilish mumkin. Aylana yoqali jemferlar uzun bo‘yinli, ozg‘in qizlarga mos keladi. V yoqali jemferlar esa aksincha, bo‘yin va yuzni vizual ravishda uzaytiradi.
Past tasmali kostyumlar
Marlon Brando “Yovvoyi” filmida bezori rolini o‘ynaganida past tasmali koja kostyumni kiygan, uning kiyimi ajoyib tarzda yaratilgan. Garchi bu kostyum zamonaviy klassikaga o‘xshamasa-da, uni ham garderobdagi asosiy kiyimlar qatoriga qo‘shish mumkin. Uni jinsi shiml va oqshom liboslari bilan ham kiyish mumkin.
Izoh (0)