Модани кузатиш қизиқ, бироқ гардеробни модадаги барча кийимлар билан тўлдириб бўлмайди. Кийим танлаётганда иложи борича модадан қолмайдиган кийимларни харид қилган маъқул. У замонавий нарсаларни мукаммал равишда тўлдиради ва асосий гардеробни яратишга ёрдам беради.
Кўк жинсилар
2023 йилда турли услубдаги жинсилар модага киради, бироқ уларнинг орасида умуман урфдан қолмайдиганлари ҳам бор. Жинсиларни сотиб олишда афсонавий Levis 501 услубига эътибор қаратишингиз мумкин, белга мос келадиган текис жинсиларни бошқа устки кийимлар билан мослаштириш осон. Америкалик шарҳловчи Фрэн Лебовиц айнан шу услубдаги жинсиларни жуда яхши кўради ва уларни бошқа кийимлар билан мослаштиради. Бироқ қоматингизга мосроқ услубни танлашингиз керак, масалан, скинни, бойфренд, mom, буткат ва бошқа услубдаги жинсиларни сотиб олинг. Жинсиларни узоқ вақт кийишни истасангиз, унинг композицияга эътибор беринг, жинси матоси камида 80 фоиз пахтадан бўлиши керак.
Қора жинсилар
Агар офисда дресс-код мавжуд бўлса, классик шимларни қора жинсилар билан алмаштириш мумкин. Ушбу жинси билан мослаштирилган оқ ёки бошқа рангдаги кўйлак чиройли имиж яратишга ёрдам беради. Қора жинсилар шак ва мато жиҳатидан кўк жинси шимлар билан бир хил, агар тўғри услубдаги шимни кийишга тайёр бўлмасангиз, ўзингизга мос келадиганини танланг. Шунингдек, мато камида 80 фоизли пахтадан бўлиши керак.
Кожадан тикилган пиджак
Кожадан тикилган пиджак гардеробингиздаги асосий кийимлардан бири бўлиши керак. Масалан, агар сиз қора рангдаги кийимларни ёқтирсангиз, қора ялтироқ чарм пиджак кўринишга текстура қўшади. Бундан ташқари, кожадан тикилган пиджак мавсумдаги энг яхши устки кийимлардан бири, у баҳор ва куз мавсуми учун жуда яхши танлов ҳисобланади. Пиджак оқ кўйлак ва спорт услубидаги худи билан жуда мос келади.
Футболка
Катта ҳажмли футболка ҳар бир мавсумда бўлиши керак. Уни костюм-шим, жинси шимлар билан ва ҳатто кўйлак тагидан ҳам кийса бўлади. Ҳозирда футболкаларнинг гренж услубдагиси жуда машҳур. Гардеробингиздаги футболкалар қора, оқ, оч қаймоқранг, оддий нақшсиз бўлгани маъқул. Енг узунлиги ва ҳажмини ўзингизга мос равишда танлашингиз мумкин, кимдир тор, кимдир эса катта ўлчамдаги футболкаларни яхши кўради.
Қора рангдаги либослар
Қора рангли кўйлаклар ҳам гардеробингизда асосий кийим бўла олади. Бу либосда бир кунда ишга ҳам зиёфатга ҳам боришингиз мумкин. Қора рангдаги кийимларнинг мини, миди узунлигидаги ёки оддий услубдагисини танлаган маъқул.
Йўл-йўл кўйлак
Йўл-йўл кўйлак дастлаб денгизчилар кийими ҳисобланган, кейинчалик у мода вакилларининг гардеробига кўчиб ўтди. Шунингдек йўл-йўл кўйлак Шанелнинг таклифи билан Биринчи жаҳон уруши пайтида аёлларга француз денгизчилари фойдаланган жилет кийдирилган. Унинг шарофати билан “француз аёли” сўзи ишлатилганда, кўпчилик дарҳол йўл-йўл кўйлак ва берет кийган аёлни тасаввур қиладиган бўлди. Ҳозирги кунда турли ранглардаги: қора, кўк, қизил, оч қаймоқранг ва бошқа рангдаги йўл-йўл кийимларни топишингиз мумкин. Оч рангдаги йўл-йўл кўйлакларни бошқа кийимлар билан мослаштирса бўлади. Уни жинси шим ва кўйлаклар билан ҳам кийиш мумкин.
Жигарранг тренч
Оч қаймоқранг тренчкот 19-асрда Томас Бурберри томонидан ихтиро қилинган бўлиб, у келгуси йиллар давомида Burberry брендининг ўзига хос белгисига айланди. Уни машҳур актрисалар Мэрилин Монро, Кетрин Денев, Одри Хепбёрн суратга олиш жараёнларида кийган. Сиз костюм-шим, оқ ёки бошқа рангдаги кўйлак киясизми? Унда тренчкот айнан сиз учун. У ҳамма нарса билан ажойиб кўринади. Бу подиумларда тренд ўзгарганда ҳам долзарб бўлиб қолишининг асосий сабаби ҳисобланади.
Оқ кўйлак
Оқ кўйлак оддий футболка каби бўлиши керак. Оқ кўйлак ва жинси шим комплекси билан чиройли имиж яратиш мумкин. Уни фақат ишда кийиш мумкин, дейдиганлар адашадилар. Масалан, малика Диана уни жигарранг камар ва очиқ кўк рангдаги текис жинси шим билан кийган. Керолин Бессетт-Кеннеди уни сайрларда ҳам, кечки учрашувларда ҳам кийган.
Костюм-шим
Костюм-шим ҳам гардеробингизда асосий кийимлардан бири бўлиши керак. Ушбу кийим гардеробда камида учта образни ҳосил қилишга ёрдам беради, чунки костюм-шимни биргаликда ёки алоҳида кийиш мумкин. Агар костюм классик услубда, минималистик ва унча кўзга ташланмайдиган рангларда бўлса, уни бошқа нарсалар билан осон мослаштирса бўлади.
Классик услубдаги пальто
Пальто танлашда ҳам костюм-шим танлашга эътибор берган қоидаларга амал қилинг, иложи борича кўзга ташланмайдиган ранг ва классик услубдаги пальтоларни танланг. Бундай ҳолатда икки қирра ёқали, тугмали пальтоларни танлаган маъқул. Узунлиги тиззадан ёки ундан пастда бўлган пальтолар яхши танлов бўла олади. Пальто матосига ҳам алоҳида эътибор беринг, матонинг 50 фоизи жундан иборат бўлиши керак. Бундай пальто акрил ёки вискоздан кўра қимматроқ, бироқ у яхши иситади, шунингдек, пальтони узоқроқ муддат кийиш мумкин.
Ёқаси айлана ёки V шаклида бўлган жемфер
.jpg)
Яхши жемфер юбкани ҳам, кўйлакни ҳам ажойиб тарзда тўлдиради. Ёқаси айлана ёки V шаклидаги жемфер тагидан бошқа кийимларни ҳам кийиш мумкин. Айлана ёқали жемфер тагидан футболка кийишингиз мумкин, шунда унинг ёқасини бироз чиқариб қўйган маъқул. V ёқали жемферларни кўйлаклар бирлаштирилиш мумкин. Айлана ёқали жемферлар узун бўйинли, озғин қизларга мос келади. V ёқали жемферлар эса аксинча, бўйин ва юзни визуал равишда узайтиради.
Паст тасмали костюмлар
Марлон Брандо “Ёввойи” фильмида безори ролини ўйнаганида паст тасмали кожа костюмни кийган, унинг кийими ажойиб тарзда яратилган. Гарчи бу костюм замонавий классикага ўхшамаса-да, уни ҳам гардеробдаги асосий кийимлар қаторига қўшиш мумкин. Уни жинси шимл ва оқшом либослари билан ҳам кийиш мумкин.
Изоҳ (0)