Mashhurlar yangi mashina xarid qilishni va uni qanday boshqarishini muxlislariga ko‘rsatishni yoqtiradi. Biroq yulduzlar orasida shaxsiy mashinasi bo‘lsa-da, uni boshqarishni bilmaydigan va shaxsiy haydovchisi bo‘lishini afzal ko‘radiganlari ham bor.
Andrey Malaxov
“Pust govoryat” teleko‘rsatuvi boshlovchisi Andrey Malaxov yoshligida o‘z mashinasini haydashni va ko‘plab shaharlarni aylanishni orzu qilgan. Biroq unda 1997-yilda avtohalokatda vafot etgan malika Diana fojiasidan keyin fobiya paydo bo‘lgan. Shundan so‘ng Malaxov haydovchi o‘rindig‘iga o‘tirmaslikka qaror qildi. Hozirda teleboshlovchining shaxsiy haydovchisi bor, u haydovchilikni emas, yo‘lovchi bo‘lishni afzal ko‘radi.
Kristina Agilera
42 yoshli xonandaning haydovchilik guvohnomasi bor. U ancha yillar oldin mashina haydagan va hozir bu boradagi ko‘plab qoidalarni unutib qo‘ygan. Kristinaning so‘zlariga ko‘ra, 20 yil oldin u AQSHdagi sokin shaharlarga sayohat qilgan, bu unga tungi yo‘lda va boshqa mashinalar yo‘qligidan zavqlanish imkonini bergan.
Agilera Los-Anjelesga ko‘chib o‘tganidan keyin mashina boshqarishni to‘xtatish vaqti kelganini tushunib yetdi, chunki u tirbandlikka o‘rganmagan va shoshqaloq haydovchilardan nima kutish mumkinligini bilmaydi.
Jastin Biber
Kanadalik xonanda haydovchilik guvohnomasi imtihonidan o‘tishga urinib ko‘rdi, biroq testdan o‘ta olmadi. Biber o‘qigan avtomaktab o‘qituvchisining so‘zlariga ko‘ra, xonanda o‘zini rulda juda emotsional tutgan va tajribali haydovchilar yo‘lda undan o‘zib ketganida g‘azabini tiya olmagan. Shundan keyin Jastin mashg‘ulotlarni davom ettirishni xohlamadi va shaxsiy haydovchi olishga.
Jennifer Lopez
Jennifer Lopez oxirgi marta 30 yil avval mashina haydagan. Oradan vaqt o‘tib aktrisa mashina haydamaslikka qaror qilgan. Ma’lumotlarga ko‘ra Lopezning sobiq sevgilisi Aleks Rodriges unga Porsche mashinasini sovg‘a qilgan.
Avvaliga xonanda sarosimaga tushib, sovg‘ani nima qilishni bilmadi. Jennifer Rodriges sovg‘a qilgan mashinani boshqara olishigiga shubha qildi va shu tufayli rulga o‘tirishga jur’at eta olmadi.
Kardi Bi
Rep yo‘nalishida ijod qiluvchi xonandaning uyida Lamborghini, Rolls-Royce va Fiat 124 Spider va boshqa mashinalar turadigan tashlanadigan katta mashina parki mavjud. Biroq, ular shunchaki eksponat sifatida turibdi, Kardi faqatgina mashinalarning oldida suratga tushishi va ijtimoiy tarmoqlarga joylashtirishi mumkin, chunki xonandaning haydovchilik guvohnomasi yo‘q.
Shunga qaramay, reper tez orada vaziyatni to‘g‘irlashiga va Los-Anjeles yo‘llarida o‘zining yangi avtomobillarini haydashiga ishonadi.
Sergey Shnurov
Xonandaning mashina haydash borasida umuman tajribasi yo‘q, chunki u hech qachon haydovchilik maktabida o‘qimagan. Sergey uchun ovoz yozish studiyasiga boradigan yo‘lda deraza ortidagi manzarani ko‘rib, bahramand bo‘lish yoqimliroq. Xonandaning mashinasi yo‘q, biroq u o‘zini baxtsiz hodisalar ro‘y berishi mumkinligini o‘ylab sug‘urtalagan. Shu sababli Shnurov taksida yoki do‘stlari bilan yurishni afzal ko‘radi.
Izoh (0)