Futbol bo‘yicha 20 yoshgacha bo‘lgan futbolchilar o‘rtasidagi Osiyo Kubogi yarim finalida Iroq va Yaponiya terma jamoalari 15-mart, chorshanba kuni o‘zaro to‘qnash keldi.
Uchrashuvning 12-daqiqasida Ali Jasim iroqliklarni oldinga olib chiqdi. Bunga yaponiyaliklar 82-daqiqada Takatora Einaganing goli bilan javob qaytardi.
Asosiy vaqtning qolgan daqiqalarida hisob o‘zgarmadi va qo‘shimcha bo‘limlarga murojaat qilindi. 103-daqiqada Muhammad Jamil Iroqning ikkinchi golini urdi. Uchrashuv yakunlanishi arafasida Yaponiya yana bir bor muvozanatni tikladi: Naoki Kumata boshi bilan darvozani ishg‘ol qilgan holda, musobaqadagi beshinchi golini urdi.
Qo‘shimcha bo‘limda ham g‘olib nomi aniqlanmadi va jamoalari penaltilar seriyasida ishtirok etdi. Unda omad iroqliklarga kulib boqdi.
Ikkinchi finalchi nomi O‘zbekiston va Janubiy Koreya yoshlar terma jamoalari o‘rtasidagi uchrashuvda aniqlanadi. O‘yin 15-mart kuni 19:00 da boshlanadi.
Final 18-mart, shanba kuni “Bunyodkor” stadionida bo‘lib o‘tadi.
U-20 Osiyo Kubogi—2023
Yarim final bahsi
15-mart, chorshanba
Iroq U-20 —Yaponiya U-20 2:2
Penaltilar seriyasi — 5:3
Gollar: 1:0 – 12 Jasim, 1:1 – 82 Einaga, 2:1 – 103 Jamil, 2:2 – 118 Kumata.
Izoh (0)