Футбол бўйича 20 ёшгача бўлган футболчилар ўртасидаги Осиё Кубоги ярим финалида Ироқ ва Япония терма жамоалари 15 март, чоршанба куни ўзаро тўқнаш келди.
Учрашувнинг 12-дақиқасида Али Жасим ироқликларни олдинга олиб чиқди. Бунга японияликлар 82-дақиқада Такатора Эинаганинг голи билан жавоб қайтарди.
Асосий вақтнинг қолган дақиқаларида ҳисоб ўзгармади ва қўшимча бўлимларга мурожаат қилинди. 103-дақиқада Муҳаммад Жамил Ироқнинг иккинчи голини урди. Учрашув якунланиши арафасида Япония яна бир бор мувозанатни тиклади: Наоки Кумата боши билан дарвозани ишғол қилган ҳолда, мусобақадаги бешинчи голини урди.
Қўшимча бўлимда ҳам ғолиб номи аниқланмади ва жамоалари пенальтилар сериясида иштирок этди. Унда омад ироқликларга кулиб боқди.
Иккинчи финалчи номи Ўзбекистон ва Жанубий Корея ёшлар терма жамоалари ўртасидаги учрашувда аниқланади. Ўйин 15 март куни 19:00 да бошланади.
Финал 18 март, шанба куни “Бунёдкор” стадионида бўлиб ўтади.
U-20 Осиё Кубоги—2023
Ярим финал баҳси
15 март, чоршанба
Ироқ U-20 —Япония U-20 2:2
Пенальтилар серияси — 5:3
Голлар: 1:0 – 12 Жасим, 1:1 – 82 Эинага, 2:1 – 103 Жамил, 2:2 – 118 Кумата.
Изоҳ (0)