YCHL. “Manchester Siti” nemis klubiga 7 ta gol urdi, Holanddan penta-trik. “Inter” ham chorak finalga yo‘l oldi

Futbol bo‘yicha Yevropa Chempionlar Ligasining 1/8 final javob bahsi doirasidagi ikki o‘yin 14-mart, seshanba kuni bo‘lib o‘tdi.

“Manchester Siti” o‘z uyida “Leypsig”ni qabul qildi va raqib darvozasini javobsiz yetti bor ishg‘ol qildi. Uchrashuvda Erling Holand penta-trik qayd etgan bo‘lsa, Ilkay Gundo‘g‘an va Kevin de Bryuyne bittadan golga muallif bo‘ldi.

Ushbu g‘alaba evaziga “shaharliklar” chorak finalga yo‘l oldi.

Parallel o‘yinda “Portu” va “Inter” jamoalari o‘zaro to‘qnash keldi. Uchrashuvda nursiz durang qayd etildi va Milan klubi dastlabki uchrashuvdagi g‘alaba evaziga keyingi bosqichga yo‘l oldi.

YCHL

1/8 final, javob o‘yinlari

14-mart, seshanba

“Manchester Siti” (Angliya) – “Leypsig” (Germaniya) 7:0

Gollar: 1:0 – 22, penalti Holand, 2:0 – 24 Holand, 3:0 – 45 Holand, 4:0 – 49 Gundo‘g‘an, 5:0 – 53 Holand, 6:0 – 57 Holand, 7:0 – 90 de Bryuyne.

“Manchester Siti”: Ederson, Ake, Ruben Diash, Akanji, Stounz (Serxio Gomes, 64), Gundo‘g‘an (Mahrez, 55), de Bryuyne, Grilish (Foden, 55), Bernardu Silva, Rodri (Fillips, 63), Holand (Alvares, 63).

“Leypsig”: Blasvix, Henrixs (Klostermann, 80), Orban, Gvardiol, Raum, Kampl, Forsberg (Andre Silva, 63), Laymer, Aydara (Simakan, 63), Soboslai (Olmo, 72), Verner (Poulsen, 63).

Ogohlantirishlar: Henrixs (21), Verner (34), de Bryuyne (67), Akanji (77).

Dastlabki o‘yin: 1:1

“Portu” (Portugaliya) – “Inter” (Italiya) 0:0

“Portu”: Diogu Koshta, Markano, Fabiu Kardozu, Sanusi (Vendell, 85), Uribe (Louder, 85), Gruyich, Eushtakiu (Andre Franku, 71), Pepe, Taremi, Galeno, Evanilson (Toni Martines, 71).

“Inter”: Onana, Dumfris, Darmian (Shkrinyar, 80), Acherbi, Bastoni (de Vrey, 74), Dimarko (D`Ambrozio, 70), Mxitaryan, Chalxono‘g‘lu, Barella (Brozovich, 80), Jeko (Lukaku, 70), Martines.

Ogohlantirishlar: Darmian (33), Jeko (69), Pepe (79), Acherbi (90), Konseysau (90).

Chetlatish: Pepe (90).

Dastlabki o‘yin: 0:1