Rossiya prezidenti Vladimir Putin Qrim anneksiya qilinganining 9 yilligi munosabati bilan yarimorolga tashrif buyurishi mumkin. Bu haqda “RIA Novosti” xabar berdi.
Ma’lum qilinishicha, Putin kelgusi hafta xizmat safari bilan Rossiya viloyatlaridan biriga tashrif buyuradi. Dasturga ko‘ra, Rossiya prezidentining xalqaro aloqalar o‘rnatishi rejalashtirilgan. Bundan tashqari, u Rossiya sanoatchilar va tadbirkorlar ittifoqi kongressining yalpi majlisida ishtirok etadi va Bosh prokuratura hay’atida nutq so‘zlaydi.
Rossiya rahbari Qrim anneksiya qilinganining 9 yilligi munosabati bilan 18-mart kuni nishonlanadigan tadbirlarda qatnashishi mumkin. Hozircha Kremldan prezidentning Qrimga borishi haqida rasmiy ma’lumot e’lon qilinmagan.
Avvalroq Rossiya davlat ommaviy axborot vositalari Vladimir Putin 2022-yilning dekabrida Qrim ko‘prigidan o‘tib ketganini xabar qilgandi.
Izoh (0)