Rossiyaning Shvetsiyadagi elchixonasi 17-yanvar kuni Twitter’dagi rasmiy sahifasiga xarita joyladi, unda Qrim Ukraina hududi sifatida ko‘rsatilgan.
Gasoline prices per liter, 9 January 2023 pic.twitter.com/cUbJjhuVQx
— Russian Embassy, SWE (@RusEmbSwe) January 17, 2023
Yevropada yonilg‘ining o‘rtacha narxlari qiyoslangan xaritada Ukraina xalqaro tan olingan chegaralari bilan, shu jumladan, Qrim bilan birga tasvirlangan.
Foydalanuvchilar bunga darhol e’tibor qaratib, izohlarda Rossiyaga o‘z qo‘shinalrini Qrimdan olib ketishni maslahat berdi.
Ma’lumot uchun, 2014-yil mart oyida Qrimda referendum bo‘lib o‘tgan, unda yarimorol aholisining aksariyati Rossiyaga qo‘shilishni qo‘llab-quvvatlagan. Ukraina va bir qator G‘arb davlatlari ovoz berish natijalarini tan olmaydi va sodir bo‘lgan voqealarni “anneksiya” deb hisoblaydi. AQSH Qrimning Rossiyaga qo‘shilishini hech qachon tan olmaslikka so‘z bergan. Rossiya hukumati bir necha bor Qrim masalasi tarixan yopiq ekanini ta’kidlagan.
2022-yilning mart oyida Rossiya prezidenti matbuot kotibi Dmitriy Peskov Qrimning Rossiya hududi sifatida tan olinishi Ukrainadagi bosqinni to‘xtatishi mumkin bo‘lgan shartlardan biri bo‘lishini aytgan.