Fitch Ratings 2024—2025-yillar uchun Brent narxi prognozini geosiyosiy xavflar fonida oshirdi. Bu haqda agentlik hisobotidan ma’lum bo‘ldi.
Biroq Yevropada talabning pasayishi, kuchli LNG ta’minoti, gaz zahiralari va AQSHda ishlab chiqarish hajmi oshishi kutilayotgani tufayli 2023-yilda gaz narxi uchun prognozni pasaytirdi.
Fitch tahlilchilari endi Brent va WTI 2023—2025-yillarda transport xarajatlarining balandligi va bozor o‘zgaruvchanligi tufayli 5 dollar bo‘lishini kutmoqda. Faqat 2026-yilga kelib bu 3 dollargacha tushishi taxmin qilinmoqda.
Mutaxassislar 2023-yil uchun Brent kotirovkalari prognozini bir barrel uchun 85 dollar darajasida qoldirdi. WTI narxining o‘rtacha kutilmalari esa 1 dollarga kamaytirilib, bir barrel uchun 80 dollargacha tushirildi.
Brent neftining 2024-yil uchun prognozi 10 dollarga oshirilib, bir barrel uchun 75 dollargacha yetdi. 2025-yil uchun esa 12 dollarga — bir barrel uchun 65 dollargacha oshirildi.
Shu bilan birga, Fitch 2023-yil uchun Yevropa TTF markazi va AQSH Henry Hub’da gaz bahosini keskin pasaytirdi.
Biz 2023-yilda Yevropaning TTF gaz narxi prognozini ikki baravarga kamaytirdik va 1000 kub fut uchun 20 dollar bo‘lishini prognoz qildik, — deyiladi hisobotda.
Avvalroq jahon bozorida neft narxi tushib ketgani haqida xabar berilgandi.
Izoh (0)