Fitch Brent нефть нархининг ошишини прогноз қилди

Fitch Ratings 2024—2025 йиллар учун Brent нархи прогнозини геосиёсий хавфлар фонида оширди. Бу ҳақда агентлик ҳисоботидан маълум бўлди.

Бироқ Европада талабнинг пасайиши, кучли LNG таъминоти, газ заҳиралари ва АҚШда ишлаб чиқариш ҳажми ошиши кутилаётгани туфайли 2023 йилда газ нархи учун прогнозни пасайтирди.

Fitch таҳлилчилари энди Brent ва WTI 2023—2025-​​йилларда транспорт харажатларининг баландлиги ва бозор ўзгарувчанлиги туфайли 5 доллар бўлишини кутмоқда. Фақат 2026 йилга келиб бу 3 долларгача тушиши тахмин қилинмоқда.

Мутахассислар 2023 йил учун Brent котировкалари прогнозини бир баррел учун 85 доллар даражасида қолдирди. WTI нархининг ўртача кутилмалари эса 1 долларга камайтирилиб, бир баррел учун 80 долларгача туширилди.

Brent нефтининг 2024 йил учун прогнози 10 долларга оширилиб, бир баррел учун 75 долларгача етди. 2025 йил учун эса 12 долларга — бир баррел учун 65 долларгача оширилди.

Шу билан бирга, Fitch 2023 йил учун Европа TTF маркази ва АҚШ Henry Hub’да газ баҳосини кескин пасайтирди.

Биз 2023 йилда Европанинг TTF газ нархи прогнозини икки бараварга камайтирдик ва 1000 куб фут учун 20 доллар бўлишини прогноз қилдик, — дейилади ҳисоботда.

Аввалроқ жаҳон бозорида нефть нархи тушиб кетгани ҳақида хабар берилганди.