“Turkiyaning Finlyandiya va Shvetsiya davlatlarining NATOga qo‘shilishi bo‘yicha muzokaralari 9-mart kuni Bryusselda davom ettirildi. Yig‘ilishga NATO bosh kotibi Yens Stoltenberg mezbonlik qildi”, — deya xabar bermoqda alyans matbuot xizmati.
Bu 2022-yil iyun oyida Madridda o‘tkazilgan NATO sammiti doirasida imzolangan uch tomonlama memorandumga asoslangan uchinchi muzokara.
Turkiya prezidenti matbuot kotibi Ibrohim Kalinning aytishicha, mamlakat Finlyandiya va Shvetsiyadan NATOga a’zolik memorandumini to‘liq amalga oshirishni kutmoqda.
Uning qayd etishicha, Finlyandiya va Shvetsiya tomonidan memorandumni amalga oshirish bo‘yicha tashlangan ba’zi qadamlar qoniqarli, biroq jarayon hali to‘liq yakunlanmagan. Kalinning so‘zlariga ko‘ra, Shvetsiya rasmiylari Turkiya talab qilgan qonun bilan yanada samarali ishlashga vaʼda bergan.
Turkiya, Finlyandiya va Shvetsiya hamkorlikni davom ettirishga kelishib oldi va ular Vilnyus sammiti oldidan yana uchrashadilar.
Eslatib o‘tamiz, uch davlat o‘rtasidagi muzokaralar yanvar oyida Stokgolmda Qur’onni yoqish aksiyasidan so‘ng Anqara tomonidan to‘xtatilgan edi.
NATO Bosh kotibi Yens Stoltenberg o‘tgan hafta Shvetsiyaning NATOga a’zo bo‘lish istagi bo‘yicha Turkiya bilan muzokaralarda muvaffaqiyatga erishilganini ma’lum qildi.
Izoh (0)