Sloveniya Rossiyani terrorizm homiysi sifatida tan olishdan bosh tortdi, mamlakat tashqi ishlar vazirligi buning sababini ma’lum qildi. Bu haqda Euractiv portali xabar berdi.
Sloveniya parlamentining tashqi siyosat qo‘mitasi muxolifatdagi Demokratik partiyaning Rossiyani terrorizmga homiylik qiluvchi davlat sifatida tan olishga chaqirgan taklifini rad etdi. Qo‘mita avvalroq Rossiyaning Ukrainaga qarshi urushini qoralash haqidagi koalitsiya xulosalarini qo‘llab-quvvatlagan va hukumatni rasmiy Kiyevga muntazam yordam ko‘rsatishga undagan.
“Biz o‘z vatanini himoya qilishda, erkinlik va demokratiyaning umuminsoniy qadriyatlari uchun kurashda jasorat ko‘rsatayotgan Ukraina xalqini qo‘llab-quvvatlaymiz va shu bilan birga Rossiya bosqinini qoralaymiz”, — degan demokratlar.
Hukmron koalitsiyada ovoz berishdan oldin ham, bu taklifga qarshi chiqilgan va Sloveniya tashqi ishlar vaziri Tanya Fayon bunday tashabbus “butun rus xalqini jazolash” bilan teng bo‘lishini ta’kidlaydi. Buning ortidan mamlakat Tashqi ishlar vazirligining izohi e’lon qilindi. Unga ko‘ra, na Yevropada, na Sloveniya qonunchiligida mamlakatlar terrorizmini qo‘llab-quvvatlovchi toifalar yoki ro‘yxat mavjud emas. Hozirgacha faqat yettita Yevropa Ittifoqi davlati va AQSH bunday rezolyutsiyalarni qabul qilgan.
Bu Sloveniya muxolifatiga yoqmadi va ular Tashqi ishlar vazirligining bahonalarini “sustlik” deb hisobladi va Rossiyaga qarshi sanksiyalarni kuchaytirishga chaqirdi.
Izoh (0)