Oliy ta’lim, fan va innovatsiyalar vaziri Ibrohim Abdurahmonov UNESCO ning tabiiy fanlar sohasidagi tadqiqotlar bo‘yicha xalqaro mukofotiga sazovor bo‘ldi.
Ma’lum bo‘lishicha, Ekvatorial Gvineyaning Djibloxo shahrida mukofotni topshirish marosimi bo‘lib o‘tgan. Unda vazir Ibrohim Abdurahmonovga xalqaro mukofot topshirilgan. Mukofot miqdori 350 ming dollarni tashkil qiladi. Bu summa to‘rt g‘olib orasida teng bo‘linadi.
Tadbirda ushbu Ekvatorial Gvineya prezidenti Teodoro Mbasogo, UNESCO bosh direktori Odri Azule, mukofot g‘oliblari va boshqa qator yuqori darajadagi mehmonlar ishtirok etgan. Bundan tashqari, barcha a’zo davlatlarning UNESCO huzuridagi doimiy vakillari ham bu marosimga kelgan.
UNESCO—Ekvatorial Gvineyaning Tabiiy fanlar bo‘yicha tadqiqotlar uchun xalqaro mukofoti 2012-yilda UNESCO tomonidan inson hayoti sifatini yaxshilashga olib keladigan ilmiy tadqiqotlarni mukofotlash uchun ochilgan ilmiy mukofotdir. Mazkur mukofotning asosiy maqsadi UNESCO tashkilotiga a’zo-davlatlarda alohida shaxslar, institutlar va nodavlat tashkilotlar tomonidan inson hayotini yaxshilanishiga salmoqli hissa qo‘shgan ilmiy tadqiqot loyihalari va faoliyatlarini mukofotlashdan iborat.
Izoh (0)