Andijon viloyati Shahrixon tumanida 10-mart kuni 43 yoshli erkak o‘smir yigitni do‘pposladi. Bu haqda viloyat Ichki ishlar boshqarmasi axborot xizmati xabar berdi.
Ma’lum bo‘lishicha, “Mullavoy” mahallasida yashovchi 1980-yilda tug‘ilgan T.L. ukasining farzandi, 2010-yilda tug‘ilgan jiyani A.X. fuqaro M.S. bilan urishganidan xabar topgan. Shundan so‘ng erkak M.S. ishlaydigan do‘konga borib, unga tan jarohati yetkazgan.
Ijtimoiy tarmoqlarda tarqalgan videoda erkak bolani bir necha marta tepib, sochidan tortgan va boshi bilan peshtaxtaga urganini ko‘rish mumkin. Viloyat Ichki ishlar boshqarmasi hozirda holat yuzasidan tergovga qadar tekshiruv harakatlari olib borilayotganini ma’lum qilgan.
Izoh (0)