Turkiyadagi zilzilalar oqibatida jabrlanganlarni qidirish va qutqarishda O‘zbekistondan kelgan qutqaruvchilarning maxsus itlari muhim rol o‘ynadi, deb yozadi Anadolu agentligi.
“Itlar vayronalar ostidagi insonning tirik yoki vafot etganini sezib, o‘ziga xos tarzda harakat qiladi. Agarda u vayronalar ostida tirik insonga duch kelsa, balandroq vovullaydi, vafot etgan insonga duch kelsa, pastroq ingraydi”, — deydi kinolog Ubaydullo Ro‘zmetov.
Ro‘zmetov tabiiy ofat hududida “Baron” laqabli it bilan ishlagan. Kinologlar O‘zbekiston qidiruv-qutqaruv guruhida jami 5 ta it bilan kinologlar ishlagan bo‘lib, ular vayronalar ostidan odamlarni topishga yordam bergan.
“Vaziyat juda murakkab edi. Biz bu qadar vayronkor zilzila oqibatlariga ilk bor duch keldik. Qutqaruv ishlari olib borilayotgan vaqtda ham zilzilalar sodir bo‘ldi”, — deydi Ro‘zmetov.
Shuningdek, qutqaruvchining so‘zlariga ko‘ra, o‘rgatilgan itlar vayronalar ostida odamlarni topishga muammoga duch kelmaydi, biroq mazkur zilzilalar vaqtida ko‘plab binolar qulab tushgani sabab bu safar ular qiynalgan.
6-fevral kuni o‘zbekistonlik qutqaruvchilar Turkiyaga jo‘natilgandi. Dastlabki reysda 100 nafar qutqaruvchi bilan birgalikda maxsus jihozlar, kinologik guruhlar va insonparvarlik yordami ham yuborilgan. Jabrlanganlarga yordam berish uchun borgan O‘zbekiston FVV xodimlari 25-fevral kuni vatanga qayta boshlagan. 6-mart kuni esa Islom Karimov nomidagi Toshkent xalqaro aeroportida Mudofaa vazirligining tibbiy otryad xodimlarini ommaviy axborot vositalari, keng jamoatchilik vakillari, mudofaa vaziri o‘rinbosari va boshqa rasmiylar kutib olingan.
Izoh (0)