O‘zbekiston rossiyaliklar orasida 8-martda sayohat qilish uchun eng mashhur yo‘nalishlardan biriga aylandi

O‘zbekiston rossiyaliklarning 8-mart ta’tili uchun eng mashhur yo‘nalishlardan biriga aylandi. Bu haqda “TASS” xabar bermoqda. 

“Ostrovok.ru” onlayn mehmonxona bron qilish xizmati tadqiqoti natijalariga ko‘ra, 8-mart ta’tili davridagi barcha bronlarning 81 foizi ichki yo‘nalishlarga to‘g‘ri keladi. Eng mashhur ichki yo‘nalishlar Sankt-Peterburg, Moskva va Sochi. 

Eng ko‘p talab qilinadigan xorijiy yo‘nalishlar orasida Belarus, Tailand, Turkiya, BAA, Italiya, Armaniston, Fransiya, O‘zbekiston, Ispaniya va Qozog‘iston bor.

Rossiyaliklar tomonidan chet eldagi mehmonxonalarda o‘rtacha besh kecha uchun 42,3 ming rubl sarflanadi. Bir tunning o‘rtacha narxi 7,6 ming rubl. 

Sayohatchilar O‘zbekistondagi mehmonxonalarda bir tunni o‘rtacha 4,7 ming rublga (700 ming so‘m) bron qilishgan. Turkiyada bu ko‘rsatkich 6,3 ming rublni, Qozog‘istonda 5,9 ming rublni tashkil qilgan.