O‘zbekiston ekologiyasi eng yomon dunyodagi 6 ta davlat qatoriga kiritildi

Legatum Institute tomonidan har yili tuziladigan Legatum Prosperity Index dunyo reytingida O‘zbekiston 100-o‘rinni egalladi.

Mamlakatlar iqtisodiy darajasi, biznes muhiti, davlat boshqaruvi samaradorligi, ta’lim, sog‘liqni saqlash, xavfsizlik va shaxsiy erkinlik, shuningdek, ijtimoiy kapital va ekologik muhitni rivojlantirish kabi 12 ta mezon bo‘yicha taqqoslanadi.

Yangilangan reytingda O‘zbekistonning eng zaif tomonlari shaxsiy erkinlik (147-o‘rin) va davlat boshqaruvi samaradorligi (123-o‘rin) hisoblanadi.

Shu bilan birga, mamlakatning kuchli tomonlari ijtimoiy kapital (46-o‘rin), sog‘liqni saqlash (49-o‘rin) va xavfsizlikdir (52-o‘rin).

Shu bilan birga, ekspertlar mamlakatdagi ekologiya bilan bog‘liq muammolarni ham qayd etgan. O‘zbekiston ushbu ko‘rsatkich bo‘yicha 162-o‘rinni egallagan — undan pastda faqat Sudan, Mavritaniya, Lesoto, Pokiston va Iroq joylashgan.

O‘zbekiston birinchi marotaba ushbu reytingda 2010-yilda paydo bo‘lgan va 109-o‘rinni egallagan, 2019-yilda esa 102-o‘ringa, 2020-yilda 97-o‘ringa ko‘tarilgan edi.