Toshkent viloyati, Bo‘stonliq tumanidagi “Anhor sayli” (sobiq “Aziz” va “Kazbek”) dam olish oromgohlari kimoshdi savdosida sotildi. Ma’lumotlar “E-auksion” portalida e’lon qilingan.
Lot auksionga Davlat aktivlarini boshqarish agentligi Toshkent viloyati hududiy boshqarmasi tomonidan joylashtirilgan edi.
Oromgohning qurilgan yili noma’lum. Yer uchastkasining umumiy maydoni — 1,9 gektar. Binolarning maydoni — 3 831,69 kvadrat metr. Unda suv, elektr va gaz ta’minoti mavjud. Kanalizatsiya tizimi esa yo‘q.
-42.jpg)
Auksionga qo‘yilgan oromgohning boshlang‘ich bahosi 37 mlrd so‘m edi. 6-mart kuni bo‘lib o‘tgan savdolarda u 24 mlrd so‘mga ko‘proq — 61 mlrd so‘mga sotildi.
Onlayn savdoda besh nafar savdogar ishtirok etgan. 2013-yilda tashkil qilingan Impower Trading kompaniyasi auksion g‘olibi bo‘lgan. Kompaniya ustav fondi — 630 mln so‘m.
Izoh (0)