O‘zbekiston Superligasi 17-turi doirasidagi “Paxtakor” — “OKMK” uchrashuvi yakuniga yetdi. Toshkentdagi “Jar” stadionida bo‘lib o‘tgan bahsda olmaliqliklar 2:1 hisobida g‘alaba qozondi.

Uchrashuvdagi hisob 17-daqiqada mehmonlar hujumchisi Ruben Sanches tomonidan ochildi. Ikkinchi bo‘limning 47-daqiqasida “Paxtakor” hisobni tenglashtirdi. Gol muallifi — Igor Sergeyev. O‘yin yakuni arafasida, aniqrog‘i 81-daqiqada Sanches o‘zining dublini nishonlab, “OKMK”ga muhim g‘alabani taqdim etdi.
Mazkur g‘alabadan keyin Mirjalol Qosimov boshchiligidagi jamoa 33 ochko bilan turnir jadvalining 2-pog‘onasidan joy olgan bo‘lsa, “Paxtakor” 29 ochko bilan 6-o‘rinni band etgan.
O‘zbekiston Superligasi
17-tur
5-may, seshanba
“Paxtakor” — “OKMK” 1:2
Gollar: 0:1 — Sanches (17), 1:1 — Sergeyev (47), 1:2 — Sanches (81)
Izoh (0)