Film suratga olinayotganda xona devoridagi rasmlardan tortib poyabzal bog‘ichlariga qadar har bir detal film yaratish bosqichida diqqat bilan ko‘rib chiqiladi. Yoki hech bo‘lmaganda shunday bo‘lishi kerak. Ammo ko‘pchilik ahamiyat bermagan kamchilik va xatolarham o‘tib ketishi mumkin.
“Forrest Gamp”
“Forrest Gamp”ning ilk kadrida bosh qahramonni iflos va eski krossovkalaridan keskin farq qiluvchi zamonaviy kostyum kiyganini ko‘ramiz. Ammo bu ajablantiradigan yagona narsa emas. Agar poyabzallarga diqqat bilan qarasangiz, film rassomlarining kichik xatosini topishingiz mumkin — krossovka bog‘ichlari toza, qolgan joylari esa loyga belangan.
“Bosh qahramon”
Rayan Reynolds o‘ynagan “Bosh qahramon” komediyasida o‘zini boshqaradigan o‘yinchiga oshiq bo‘lgan videoo‘yin qahramonining hayotini kuzatamiz. Filmning dastlabki sahnalarida ushbu personaj va uning dunyosining tartibliligini ko‘ramiz.
Qahramon nonushta qilayotgan sahnada uning televizori tepasida kalendar osilgan. Ammo kalendarda 4 raqami yo‘q.
“Niqob”
Jim Kerri rol o‘ynagan “Niqob”da Milo hibsga olinganidan keyin Stenliga qochishga yordam beradigan sahna bor. Kamerani qo‘riqlayotgan politsiya xodimi “Ren va Stimpi shousi” deb nomlangan multfilmni tomosha qilmoqda, filmda Stimpi ham hibsga olingan.
“Chip va Deyl”
Barcha davrlarning eng mashhur detektiv burunduqlari — Chip va Deyl hikoyasining davomida 90-yillarning animatsion seriyasidagi qahramonlarning hayotini kuzatamiz.
Ushbu filmda Chip va Deyl olamidan tashqaridagi loyihalarga bir nechta havolalar bor va ulardan biri “Garri Potter”dagi Dobbi uy elfi rolini o‘ynashni to‘xtatgandan so‘ng, moda sanoatiga yo‘l olgan va hozirda Gucci modelidir.
“O‘rgimchak odam: Uyga yo‘l yo‘q”
Tom Holland ishtirokidagi “O‘rgimchak odam” filmining uchinchi qismida Meri Jeynning taqinchoq taqqanini ko‘ramiz. Ushbu aksessuarni unga Piter “O‘rgimchak odam: Uydan uzoqda” filmida sovg‘a qilgan. Meri Jeyn uni hali ham taqib yuribdi, garchi bu sahnada u Piter Parkerning kimligini ham eslolmaydi.
“Kelajakka qaytib – 2”
“Kelajakka qaytib” filmining 2-qismida Marti nechanchi yilda yashayotganini bilish uchun gazetani ko‘rayotgan kadr bor. Sarlavhalardan biri: “Vashington qirolicha Diananing tashrifiga hozirlik ko‘rmoqda”, demak, 2015-yilga kelib qirolicha Yelizaveta II allaqachon taxtni o‘g‘li Charlzga topshirishi, malika Diana va uning turmush o‘rtog‘i o‘rtasida hech qanday kelishmovchilik bo‘lmasligi bashorat qilingan edi.
“Sehrlangan malika”
Disneyning “Sehrlangan malika” filmida shahzoda Eduard Jizelni qidirayotgan sahna bor. U ertaklarga, oq ot mingan shahzodalarga anchadan beri ishonmay qo‘ygan ayolning eshigini taqillatadi. Bu ayol, aslida, 1995-yilda Disneyning xuddi shu nomdagi multfilmida Pokaxontasga ovoz bergan aktrisa Judi Kun edi.
“Poroxli kokteyl”
2021-yilda ekranga chiqarilgan “Poroxli kokteyl” filmida onasi bilan uchrashish imkoniyatini qidirayotgan Semni ko‘ramiz. Bosh qahramon qahvaxonada bo‘lgan sahnada Fight Club deb nomlangan sendvich menyusi mavjud. Bu 1999-yilgi filmga aniq havola bo‘lib, bu jangovar film rejissorini ilhomlantirgan.
“Bazz Layter”
2022-yilda chiqarilgan “O‘yinchoqlar tarixi” spin-offida Bazz Layterning sarguzashtlarini tomosha qilamiz. Bu 1995-yilda Pixar animatsion filmidagi kosmik o‘yinchoq uchun ilhom manbayi edi. Bir kadrda astronavt gazaklar, sendvichlar va suv sotadigan avtomatdan narsa sotib oladi. Yaqindan qarasangiz, suv brendi Wade deb atalishi ayon bo‘ladi. Bu Pixar’ning yangi multfilmi — “Elementlar”ga havola bo‘lib, unda bosh qahramon shunday nomlanadi.
Izoh (0)